-
ଘରକୁ ଘର ବୁଲି ସ୍କ୍ରିନିଂ କରୁଛି ବିଏମ୍ସି
-
ସାହିକୁ ସିଲ୍କରି ଜଗିଛି ପୋଲିସ
-
୨୮ଦିନିଆ ହୋମ୍ କ୍ୱାରାଣ୍ଟାଇନ୍ରେ ୧୦୦ରୁ ଊର୍ଦ୍ଧ୍ୱ ପରିବାର
ଶନିବାର ଦିନ ବିଏମ୍ସିର ନିର୍ଦ୍ଦେଶକ୍ରମେ ସ୍ୱାସ୍ଥ୍ୟ ବିଭାଗ ଟିମ୍ ଘରକୁ ଘର ବୁଲି ସ୍କ୍ରିନିଂ ଆରମ୍ଭ କରିଛି । ସୂଚନାଥାଉକି, ଉକ୍ତ ଅଞ୍ଚଳର ଜୈନିକ ବ୍ୟକ୍ତି ବ୍ରହ୍ମପୁର ଆମ୍ବ ବଜାରରେ ବ୍ୟବସାୟ କରୁଥିବା ବେଳେ ତାଙ୍କ କର୍ମଚାରୀଙ୍କ ନିକଟରୁ କରୋନା ଭୁତାଣୁ ପଜେଟିଭ ବାହାରିବାପରେ ତାଙ୍କ ଦୋକାନ ମାଲିକ ଓ ଅନ୍ୟ ସହକର୍ମୀଙ୍କୁ ହୋମ୍ କ୍ୱାରାଣ୍ଟାଇନ୍ରେ ରଖାଯାଇଥିଲା । ସେଥିମଧ୍ୟରୁ ଜଣଙ୍କର ଶୁକ୍ରବାର ଦିନ ପଜେଟିଭ ବାହାରିବାରୁ ଶୁକ୍ରବାର ରାତିରେ ହିଁ ଶଙ୍କରପୁର ସାହିକୁ ଆକ୍ସେସ କଣ୍ଟ୍ରୋଲ ଜୋନ୍ ଘୋଷଣା କରିଥିଲେ ବିଏମ୍ସି କମିଶନର ଚକ୍ରବର୍ତ୍ତି ସିଂ ରାଥୋଡ । ଉକ୍ତ ଅଞ୍ଚଳର ସମସ୍ତ ଦୋକାନାବଜାର, ଅନୁଷ୍ଠାନକୁ ବନ୍ଦ କରାଯାଇଥିବା ବେଳେ ଉକ୍ତ ଅଞ୍ଚଳକୁ ବିଏମ୍ସିର ୪ଜଣ ଉଚ୍ଚ ପଦସ୍ତ ଅଧିକାରୀ ନଜିର ରଖିଥିବା ଜଣାପଡିଛି । ଏପଟେ ଚିହ୍ନଟ କରୋନା ପଜେଟିଭ ବ୍ୟକ୍ତିଜଣକ ହୋମ୍ କ୍ୱାରାଣ୍ଟାଇନ୍ରେ ଥିବାହେତୁ ଗୋଷ୍ଠୀ ସଂକ୍ରମଣ ହୋଇନଥିବା ଅନୁମାନ କରାଯାଉଛି । ଅଞ୍ଚଳବାସୀମାନେ ଭୟଭୀତ ହୋଇ ରହିଥିବା ବେଳେ ଆଗକୁ କ’ଣ ପରିସ୍ଥିତି ଉପୁଜୁଛି ତାହା ଦେଖିବାକୁ ବାକି ରହିଲା । ବଡବଜାର ଥାନାଧିକାରୀ ପ୍ରଶାନ୍ତ ଭୁପତି ଉକ୍ତ ଅଞ୍ଚଳରେ ପୋଲିସ ମୁତୟନ କରିଥିବା ଜଣାପଡିଛି ।
About the Author
