ନୂଆଦିଲ୍ଲୀ– ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଦ୍ୱିପ୍ରହର ୨ଟାରେ ଭିଡିଓ କନଫରେନ୍ସିଂ ମାଧ୍ୟମରେ ୭୨ତମ ଜାତୀୟ ଭଲିବଲ ଟୁର୍ଣ୍ଣାମେଣ୍ଟର ଉଦ୍ଘାଟନ କରିବେ। ଉଦ୍ଘାଟନ ସମାରୋହ ବାରାଣସୀର ଡା. ସମ୍ପୂର୍ଣ୍ଣାନନ୍ଦ କ୍ରୀଡା ଷ୍ଟାଡିୟମରେ ଆୟୋଜିତ ହେବ। ଆଠ ଦିନିଆ ଏହି କ୍ରୀଡା ଆୟୋଜନର ସମାପନ ୧୧ ଜାନୁଆରୀରେ ହେବ। ଏହି ସୂଚନା ଔପଚାରିକ ବିଜ୍ଞପ୍ତିରେ ଦିଆଯାଇଛି। ଭାରତୀୟ ଜନତା ପାର୍ଟି (ବିଜେପି) ଏହି ସୂଚନାକୁ ଏକ୍ସ ମାଧ୍ୟମରେ ସେୟାର କରିଛି।
ଔପଚାରିକ ବିଜ୍ଞପ୍ତି ଅନୁସାରେ, ଏହି ଟୁର୍ଣ୍ଣାମେଣ୍ଟରେ ଦେଶର ବିଭିନ୍ନ ରାଜ୍ୟ ଏବଂ ସଂସ୍ଥାଗୁଡ଼ିକୁ ପ୍ରତିନିଧିତ୍ୱ କରୁଥିବା ୫୮ଟି ଟିମର ଅଂଶ ଭାବେ ୧,୦୦୦ରୁ ଅଧିକ ଖେଳାଳି ଅଂଶଗ୍ରହଣ କରିବେ। ଏହି ଟୁର୍ଣ୍ଣାମେଣ୍ଟରେ ଭାରତୀୟ ଭଲିବଲରେ ପ୍ରତିସ୍ପର୍ଧା, କ୍ରୀଡା ମନୋଭାବ ଏବଂ ପ୍ରତିଭାର ଉଚ୍ଚ ମାନଦଣ୍ଡ ପ୍ରଦର୍ଶିତ ହେବ ବୋଲି ଆଶା କରାଯାଇଛି।
About the Author
