ଗଜପତି ଜିଲ୍ଲାରୁ ସର୍ବାଧିକ ୪୧ କରୋନା ପଜିଟିଭ୍ ଚିହ୍ନଟ : ଜିଲ୍ଲାରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୨୭୯କୁ ବୃଦ୍ଧି 

ପାରଳାଖେମୁଣ୍ଡି– ଗଜପତି ଜିଲ୍ଲାରେ ଆଜି ରାଜ୍ୟର ଗୋଟିଏ ଦିନରେ ସର୍ବାଧିକ ୪୧ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏଥିସହ ଜିଲ୍ଲାରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୨୭୯ କୁ ବୃଦ୍ଧି ପାଇଛି । ନୂଆ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ଦୁଇ ଜଣ ମାଇନର ରହିଛନ୍ତି ।

ଆକ୍ରାନ୍ତମାନେ ଗୋଷାଣୀ ବ୍ଲକ୍‌, ମୋହନା, ଆର୍‌, ଉଦୟଗିରି ବ୍ଲକ୍ ଏବଂ ଜଣେ ପାରଖେମୁଣ୍ଡି ମ୍ୟୁନିସିପାଲଟିର ରହିଥିବା ଜଣାପଡିଛି । ୪୧ ଜଣଙ୍କ ମଧ୍ୟରୁ ୩୧ ଜଣଙ୍କ ଯାତ୍ରା ବିବରଣୀ ରହିଛି । ୧୪ ଜଣ ତାମିଲନାଡ଼ୁ ଫେରନ୍ତା, ୬ ଜଣ ତେଲେଙ୍ଗାନା ଫେରନ୍ତା, ୫ ଜଣ ଆନ୍ଧ୍ରପ୍ରଦେଶ ଫେରନ୍ତା, ଜଣେ କର୍ଣ୍ଣାଟକ ଏବଂ ୫ ଜଣ ମହାରାଷ୍ଟ୍ର ଫେରନ୍ତା ପ୍ରବାସୀ ରହିଥିବା ସୂଚନା ମିଳିଛି ।