ପାଟନା– ପିଣ୍ଡ ଦାନ କରିବା ପାଇଁ ରାଜସ୍ଥାନରୁ ଗୟା ଯାଉଥିବା ବସ ସାସାରାମରେ ସୋମବାର ଦୁର୍ଘଟଣାଗ୍ରସ୍ତ ହୋଇଛି।ଘଟଣାରେ ତିନି ଯାତ୍ରୀଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବାବେଳେ ,ଅନେକ ଆହତ ହୋଇଛନ୍ତି। ବସରେ ଯାତ୍ରା କରୁଥିବା ଲୋକମାନେ ରାଜସ୍ଥାନର ଜଳାୱର ଜିଲ୍ଲାର କୋଟରା ଗ୍ରାମରୁ ପିଣ୍ଡଦାନ କରିବା ପାଇଁ ଗୟା ଯାଉଥିଲେ। ଏହି ସମୟରେ ସାସାରାମରେ ଚେନାରୀର ସବରାବାଦରେ ଏନଏଚ ନିକଟରେ ପାର୍କିଂ ହୋଇଥିବା ଏକ ଟ୍ରକକୁ ବସ ଜୋରଦାର ଧକ୍କା ଦେଇଥିଲା । ଏହି ଘଟଣାରେ ବସରେ ଯାତ୍ରା କରୁଥିବା ତିନି ଜଣ ଲୋକଙ୍କ ମୃତ୍ୟୁ ହୋଇଥିବାବେଳେ ଆଠ ଜଣ ମହିଳା ସମେତ 15 ଜଣ ଲୋକ ଗୁରୁତର ଆହତ ହୋଇଛନ୍ତି। ଆହତମାନଙ୍କୁ ସଦର ଡାକ୍ତରଖାନାରେ ଭର୍ତ୍ତି କରାଯାଇଛି। ମୃତକଙ୍କ ମଧ୍ୟରେ ଗୋବର୍ଦ୍ଧନ ସିଂହ,ବାଳା ସିଂହ ତଥା ରାଜେନ୍ଦ୍ର ସିଂହ ଅଛନ୍ତି ଯେଉଁମାନେ ରାଜସ୍ଥାନର ଜଳାୱର ଜିଲ୍ଲାର ବାସିନ୍ଦା।ଆହତମାନଙ୍କ ସ୍ଥିତି ଚିନ୍ତାଜନକ ନୁହେଁ ବୋଲି କୁହାଯାଉଛି। ମୃତକ ତିନିଜଣ ହେଉଛନ୍ତି ସମ୍ପର୍କୀୟ।
