ଦ୍ୱାରକା– ଦେବଭୂମି ଦ୍ୱାରକା ଜିଲ୍ଲାର ପାଦରରେ ଶନିବାର ବିଳମ୍ବିତ ରାତିରେ ହୋଇଥିବା ସଡକ ଦୁର୍ଘଟଣାରେ ଗୋଟିଏ ପରିବାରର 5ଜଣ ଲୋକଙ୍କ ସମେତ 7ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ 2ଜଣ ପିଲା ସାମିଲ ଅଛନ୍ତି । ଘଟଣାରେ 15ଜଣ ଆହତ ହୋଇଛନ୍ତି । ଆହତଙ୍କୁ ଖଂଭାଲିୟାର ହସ୍ପିଟାଲରେ ଭର୍ତ୍ତି କରାଯାଇଛି । ହଠାତ୍ ବସ ସାମ୍ନାକୁ ଏକ ପଶୁ ଚାଲିଆସିବାରୁ ବସ ଡ୍ରାଇଭର ଷ୍ଟିଅରିଂ ଉପରୁ ଭାରସାମ୍ୟ ହରାଇ ଡିଭାଇଡର ପାର କରି ସମ୍ମୁଖରୁ ଆସୁଥିବା 3ଟି ଗାଡି ସହ ଧକ୍କା ହୋଇଥିଲା । ବସଟି ଦୁଇଟି କାର ଓ ଏକ ବାଇକ ସହ ଧକ୍କା ହୋଇଛି ।
ଦ୍ୱାରକା-ଖଂଭାଲିୟା ହାଇୱେରେ ଦ୍ୱାରକାରୁ ପ୍ରାୟ 6 କିଲୋମିଟର ଦୂର ବରଡିୟା ଗାଁ ନିକଟରେ ଶନିବାର ବିଳମ୍ବିତ ସନ୍ଧ୍ୟା ପ୍ରାୟ 8ଟା ବେଳେ ଘରୋଇ ଟ୍ରାଭେଲ୍ସ ଏଜେନ୍ସିର ବସ ରାସ୍ତା ଉପରକୁ ପଶୁ ଚାଲିଆସିଥିବାରୁ ଭାରସାମ୍ୟ ହରାଇଥିଲା । ଡ୍ରାଇଭର ବସ ମୋଡିବାକୁ ଉଦ୍ୟମ କରିବା ଯୋଗୁ ଏହା ଡିଭାଇଡର ପାର କରି ସମ୍ମୁଖରୁ ଆସୁଥିବା ଦୁଇଟି କାର ଓ ବାଇକ ସହ ଧକ୍କା ହୋଇଥିଲା । ଦୁର୍ଘଟଣା ପରେ ବସଟି ଓଲଟି ପଡିଥିଲା ।
