ସୁକମା/ରାୟପୁର– ଛତିଶଗଡର ସୁକମା ଜିଲ୍ଲାର ଚିନ୍ତାଗୁଫା ଥାନା ଅଞ୍ଚଳର କରକନଗୁଡାରେ ନକ୍ସଲମାନଙ୍କ ସହିତ ସୁରକ୍ଷାବାହିନୀର ଏନକାଉଣ୍ଟର ଜାରି ରହିଛି । ସୁକମା ପୋଲିସ ଅଧିକାରୀ କିରଣ ଚୌହାନ ଏହି ଏନକାଉଣ୍ଟର ନେଇ ସୂଚନା ଦେଇଛନ୍ତି । ସେ କହିଛନ୍ତି ଯେ ନକ୍ସଲ କମାଣ୍ଡର ହିଡମା ଏବଂ ଦେବାଙ୍କ ବଟାଲିୟନ ନମ୍ବର -1 ସହିତ ଯବାନମାନଙ୍କର ଏନକାଉଣ୍ଟର ଜାରି ରହିଛି । ପୋଲିସ ସୁତ୍ରରୁ ପ୍ରକାଶ ଯେ ମଙ୍ଗଳବାର ସକାଳେ ସୈନିକମାନେ ଚିନ୍ତାଗୁଫା ଥାନା ଅଞ୍ଚଳରେ କରକନାଗୁଡା ଜଙ୍ଗଲରେ ନକ୍ସଲମାନଙ୍କ ଉପସ୍ଥିତି ସମ୍ପର୍କରେ ସୁଚନା ପାଇଥିଲେ। ଏହା ପରେ ଡିଆରଜି ଏବଂ କୋବରା ଯବାନମାନେ ଖୋଜିବାକୁ ବାହାରିଥିଲେ । କରକନଗୁଡା ଜଙ୍ଗଲରେ ଆକ୍ରମଣ କରିଥିବା ନକ୍ସଲମାନେ ସୈନିକମାନଙ୍କ ଉପରକୁ ଗୁଳି ଚଳାଇବା ଆରମ୍ଭ କରିଥିଲେ। ଯବାନମାନେ ମଧ୍ୟ ଗୁଳି ଚଳାଇ ଏହାର ଜବାବ ଦେଇଛନ୍ତି। ଉଭୟ ପାର୍ଶ୍ୱରୁ ଗୁଳି ବିନିମୟ ଜାରି ରହିଛି।
