କୋଲକାତା-ପଶ୍ଚିମବଙ୍ଗର ଡାଇମଣ୍ଡ ହାର୍ବରର ସୁଲତାନପୁର ମାଛଧରା ବନ୍ଦରରୁ ସମୁଦ୍ରକୁ ମାଛ ଧରିବାକୁ ଯାଇଥିବା 49 ମତ୍ସ୍ୟଜୀବୀ ତିନୋଟି ଟ୍ରଲର ସହିତ ନିଖୋଜ ହୋଇଯାଇଛନ୍ତି। ପ୍ରଶାସନ ପକ୍ଷରୁ ହେଲିକପ୍ଟର ଯୋଗେ ସୋମବାର ସକାଳୁ ଏହି ମତ୍ସ୍ୟଜୀବୀଙ୍କୁ ଖୋଜା ଯାଉଛି, କିନ୍ତୁ ବର୍ତ୍ତମାନ ପର୍ଯ୍ୟନ୍ତ କୌଣସି ସୁରାକ ମିଳିପାରିନାହିଁ। ମତ୍ସ୍ୟଜୀବୀଙ୍କ ପରିବାର ଚିନ୍ତା ପ୍ରକାଶ କରିବା ସହ ଯଥାଶୀଘ୍ର ପ୍ରଶାସନ ଠାରୁ ସୁଚନା ମାଗିଛନ୍ତି। ମତ୍ସ୍ୟଜୀବୀଙ୍କ ସମ୍ପର୍କୀୟଙ୍କ ଅନୁସାରେ ଗତ ମଙ୍ଗଳବାର ଦିନ ସୁଲତାନପୁର ମାଛଧରା ବନ୍ଦରରୁ ଗୋଟିଏ ଦଳ ଗଭୀର ସମୁଦ୍ରକୁ ମାଛ ଧରିବାକୁ ବାହାରିଥିଲେ ଏବଂ ତାଙ୍କୁ ରବିବାର ସୁଦ୍ଧା ଫେରିବାର ଥିଲା। ଅନ୍ୟ ମତ୍ସ୍ୟଜୀବୀ ଫେରି ଆସିଥିଲେ କିନ୍ତୁ ଏହି ତିନୋଟି ଟ୍ରଲରରେ ଥିବା 49 ଜଣ ମତ୍ସ୍ୟଜୀବୀଙ୍କ କୌଣସି ସୂଚନା ମିଳି ପାରିନାହିଁ। ପ୍ରଥମେ ଡଙ୍ଗା ଏବଂ ଟ୍ରଲରରେ ସର୍ଚ୍ଚ ଅପରେସନ ଆରମ୍ଭ ହୋଇଥିଲା କିନ୍ତୁ ସୋମବାର ପ୍ରଶାସନ ଖୋଜାଖୋଜି ପାଇଁ ହେଲିକପ୍ଟର ପଠାଇଛି ।
