ନୂଆଦିଲ୍ଲୀ-ଚିକାଗୋ ଉଦବୋଧନର ବର୍ଷପୂରାଣୀ ଅବସରରେ ଦେଶବାସୀଙ୍କୁ ଶୁଭକାମନା ଜଣାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସୋସିଆଲ ମିଡିଆ ଏକ୍ସରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, 1893 ମସିହା ସେପ୍ଟେମ୍ବର 11ରେ ଚିକାଗୋ ବିଶ୍ୱ ଧର୍ମ ସମ୍ମିଳନୀରେ ସ୍ୱାମୀ ବିବେକାନନ୍ଦ ନିଜ ଐତିହାସିକ ଉଦବୋଧନରେ ଭାରତର ମହାନ ସଂସ୍କୃତି, ପରମ୍ପରା ଓ ଆଧ୍ୟାତ୍ମିକରେ ପୂରା ବିଶ୍ୱକୁ ପରିଚିତ କରାଇଥିଲେ ।ଯାହାକି ବିଶ୍ୱ ପଟଳରେ ଭାରତର ଚିତ୍ର ବଦଳାଇ ଦେଇଥିଲା । ବସୁଧୈବ କୁଟୁମ୍ବକମର ଭାବନାରେ ପ୍ରେରିତ ତାଙ୍କର ମହାନ ବିଚାର ଦେଶର ଯୁବକଙ୍କ ସହିତ ଆମ ସମସ୍ତଙ୍କୁ ଯୁଗ ଯୁଗ ଯାଏ ମାର୍ଗଦର୍ଶନ କରୁଥିବ । ଚିକାଗୋ ଉଦବୋଧନର 131ତମ ବର୍ଷ ପୂରଣ ଅବସରରେ ସନାତନ ସଂସ୍କୃତି ଉପରେ ଗର୍ବ କରୁଥିବା ସମସ୍ତ ଭାରତୀୟଙ୍କୁ ହାର୍ଦ୍ଦିକ ଶୁଭେଚ୍ଛା ଓ ଶୁଭକାମନା । ସମସ୍ତ ଯୁବ ସାଥୀଙ୍କୁ ନିବେଦନ ଯେ, ସେମାନେ ସ୍ୱାମୀ ବିବେକାନନ୍ଦଙ୍କ ଐତିହାସିକ ଭାଷଣ ନିଶ୍ଚିତ ପଢନ୍ତୁ ।
