
ନୁଆଦିଲ୍ଲୀ-କେନ୍ଦ୍ର ଗୃହ ଏବଂ ସହକାରିତା ମନ୍ତ୍ରୀ ଅମିତ ଶାହ ଆଜି ପରମବୀର ଚକ୍ର ବିଜେତା ଅବଦୁଲ ହମ୍ମୀଦଙ୍କ ଶହୀଦ ଦିବସରେ ତାଙ୍କର ସ୍ମୃତିଚାରଣ କରି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଶାହ ଏକ୍ସ ପୋଷ୍ଟରେ ଏହି ଯୋଦ୍ଧାଙ୍କୁ ସ୍ମରଣ କରି ତାଙ୍କ ବଳିଦାନ କଥା ମନେ ପକାଇଛନ୍ତି । କେନ୍ଦ୍ର ଗୃହମନ୍ତ୍ରୀ ଶାହ ଲେଖିଛନ୍ତି ଯେ ଅବଦୁଲ ହମୀଦ 1965 ଯୁଦ୍ଧରେ ନିଜ ଜୀବନକୁ ବାଜି ଲଗାଇ ଶତୃମାନଙ୍କ ସହ ଲଢିଥିଲେ ଏବଂ ଶହୀଦ ହୋଇଥିଲେ। ତାଙ୍କର ଅଦମ୍ୟ ସାହସ ଶତୃମାନଙ୍କ ଟ୍ୟାଙ୍କରକୁ ନଷ୍ଟ କରିବା ସହ ତାଙ୍କର ପୁରା ରଣନୀତିକୁ ନଷ୍ଟ କରିଦେଇଥିଲା। ଜାତିର ସୁରକ୍ଷା କରିବା ପାଇଁ ନିଜ ପ୍ରାଣକୁ ଉତ୍ସର୍ଗ କରିଥିବା ଏହି ପରମବୀର ସୈନିକଙ୍କ ଗାଥା ଆଗାମୀ ପୀଢୀ ପାଇଁ ପ୍ରେରଣାରଉତ୍ସ ହୋଇ ରହିବ।