ନଗାଓଁ/ଶୋଣିତପୁର-ନାବାଳିକାକୁ ଗଣଦୁଷ୍କର୍ମର ମୁଖ୍ୟ ଅଭିଯୁକ୍ତ ତଫଜ୍ଜୁଲ ଇସଲାମର ମୃତ୍ୟୁ ହୋଇଛି । ପୋଲିସ ହେପାଜତରୁ ଫେରାର ହେବାକୁ ଉଦ୍ୟମ କରି ସେ ପୋଖରୀ ଭିତରକୁ ଡେଇଁପଡିଥିଲା । ଫଳରେ ତାର ମୃତ୍ୟୁ ହୋଇଛି । ନାବାଳିକା ଗଣଦୁଷ୍କର୍ମ ମାମଲାରେ ପୂରା ରାଜ୍ୟରେ ଅସନ୍ତୋଷ ଦେଖାଦେଇଛି । ଏହାର ବିରୋଧରେ ଲୋକେ ବିକ୍ଷୋଭ ପ୍ରଦର୍ଶନ କରିଛନ୍ତି । ଧୀଂଗରେ ଗୁରୁବାର ସନ୍ଧ୍ୟାରେ ଟ୍ୟୁସନରୁ ଫେରୁଥିବା ବେଳେ ନାବାଳିକାକୁ ତିନିଜଣ ଅଭିଯୁକ୍ତ ଦୁଷ୍କର୍ମ କରି ପୋଖରୀ କୂଳରେ ଗୁରୁତର ଅବସ୍ଥାରେ ଛାଡି ପଳାଇଥିଲେ ।
