ଗୁପ୍ତକାଶୀ- ଗୁରୁବାର ବିଳମ୍ବିତ ରାତିରେ କେଦାର ଘାଟିରେ ପୁଣି ଥରେ ତୀର୍ଥଯାତ୍ରୀଙ୍କ ପାଇଁ ବିପଦ ସାଜିଛି । କେଦାର ଘାଟିରେ ଗୁରୁବାର ସକାଳରୁ ହିଁ ବର୍ଷା ଲାଗିରହିଥିଲା । ଏଭଳି ପରିସ୍ଥିତିରେ ରାତି 1.20 ମିନିଟ ସମୟରେ ଫାଟା ହେଲିପ୍ୟାଡ ନିକଟରେ 4ଜଣ ଲୋକ ହଠାତ୍ ମାଟି ତଳେ ଦବିଯାଇଥିବା ସୂଚନା ମିଳିଥିଲା । ସୂଚନା ମିଳିବା ପରେ ଜିଲ୍ଲା ବିପର୍ଯ୍ୟୟ ପ୍ରବନ୍ଧନ ବଳର ଟିମ ଘଟଣାସ୍ଥଳରେ ପହଂଚିଥିଲେ । ସକାଳେ ହେବା ମାତ୍ରେ 4ଜଣ ଲୋକଙ୍କ ମୃତ୍ୟୁ ନେଇ ଦୁଃଖଦ ଖବର ମିଳିଥିଲା । ଚାରି ଜଣ ମୃତକ ନେପାଳର ବୋଲି ଜଣାପଡିଛି । ସେମାନେ ଖଚରରେ ତୀର୍ଥଯାତ୍ରୀଙ୍କୁ ନେବା ଆଣିବା କାମ କରନ୍ତି । ଚାରିଜଣ ମୃତକଙ୍କ ଶବ ରୁଦ୍ରପ୍ରୟାଗ ଅଣାଯାଇଛି ।
