କୋଲକାତା– ରାଙ୍ଗାପାନୀରେ ପୁଣି ଏକ ଟ୍ରେନ ଦୁର୍ଘଟଣାଗ୍ରସ୍ତ ହୋଇଛି । ଶୁକ୍ରବାର ରାତି ପ୍ରାୟ 9.45 ମିନିଟ ସମୟରେ ନ୍ୟୁଜଲପାଇଗୁଡି ଷ୍ଟେସନ ନିକଟ ସ୍ଥିତ ରାଙ୍ଗାପାନୀ ଅଂଚଳରେ ତୈଳ ଟ୍ୟାଙ୍କର ନେଇଯାଉଥିବା ମାଲଗାଡିର ଦୁଇଟି ହବା ଲାଇନଚ୍ୟୁତ ହୋଇଛି । ଦୁର୍ଘଟଣା ସମୟରେ ଟ୍ରେନ ୟାର୍ଡରେ ଟ୍ୟାଙ୍କରକୁ ଭରିବା ପାଇଁ ପ୍ରବେଶ କରୁଥିଲା । ସ୍ଥାନୀୟ ସୂତ୍ର ମୁତାବକ ଦୁର୍ଘଟଣାରେ କୌଣସି ବଡଧରଣର କ୍ଷୟକ୍ଷତି ହୋଇନାହିଁ । ଦୁର୍ଘଟଣା ପରେ ଉଚ୍ଚ ଅଧିକାରୀଙ୍କ ସହିତ ଅନ୍ୟ କର୍ମଚାରୀ ଘଟଣାସ୍ଥଳରେ ପହଂଚିଛନ୍ତି । ରାତିସାରା ଲାଇନ କ୍ଲିୟର କାମ ଜାରି ରହିଥିଲା ।
