ଶିମଲା/ନୂଆଦିଲ୍ଲୀ, ରାଷ୍ଟ୍ରପତି ଦ୍ରୌପଦୀ ମୁର୍ମୁ ପୂର୍ବତନ ରାଷ୍ଟ୍ରପତି ଜ୍ଞାନୀ ଜୈଲ ସିଂହଙ୍କ ଜୟନ୍ତୀ ଅବସରରେ ତାଙ୍କୁ ଶ୍ରଦ୍ଧାଂଜଳି ଜ୍ଞାପନ କରିଛନ୍ତି । ହିମାଚଳ ପ୍ରଦେଶର ମଶୋବରା ସ୍ଥିତ ରାଷ୍ଟ୍ରପତି ଭବନରେ ରବିବାର ସେ ଜ୍ଞାନୀ ଜୈଲ ସିଂହଙ୍କ ଫଟୋରେ ପୁଷ୍ପାଂଜଳି ଅର୍ପଣ କରି ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।
ଜ୍ଞାନୀ ଜୈଲ ସିଂହ ଭାରତର ସପ୍ତମ ରାଷ୍ଟ୍ରପତି ଥିଲେ । 1916 ମେ 5ରେ ଜନ୍ମଗ୍ରହଣ କରିଥିବା ଜ୍ଞାନୀ ଜୈଲ ସିଂହ 1982 ଜୁଲାଇ 25ରୁ 1987 ଯାଏ ଭାରତର ରାଷ୍ଟ୍ରପତି ଥିଲେ । 1994, ଡିସେମ୍ବର 25ରେ ତାଙ୍କର ବିୟୋଗ ହୋଇଥିଲା ।
