ପ୍ରତିଶ୍ରୁତି ପୂରଣ କଲେ ସ୍ମୃତି ଇରାନୀ, ଆମେଠିରୁ ହେଲେ ଭୋଟର

ଆମେଠି, କେନ୍ଦ୍ର ମହିଳା ଏବଂ ଶିଶୁ ବିକାଶ ତଥା ସଂଖ୍ୟାଲଘୁ କଲ୍ୟାଣ ମନ୍ତ୍ରୀ ସ୍ମୃତି ଇରାନୀ ନିଜ ସଂସଦୀୟ କ୍ଷେତ୍ରର ଲୋକଙ୍କୁ ଦେଇଥିବା ପ୍ରତିଶ୍ରୁତି ପୂରଣ କରିଛନ୍ତି । ଆମେଠିରୁ ପାରିବାରିକ ସଂପର୍କ ଯୋଡିଥିବା ସ୍ମୃତି ଇରାନୀ ଏବେ ଆମେଠି ଜନପଦରୁ ଭୋଟର ହୋଇଛନ୍ତି ।

ଆମେଠି ଜନପଦ ମୁଖ୍ୟାଳୟ ଗୌରଗଂଜ ତହସିଲ ଏବଂ ବ୍ଲକ ଅନ୍ତର୍ଗତ ମେଦନ ମଭଇ ଗାଁରେ ନିଜ ଘର ନିର୍ମାଣ କରିବା ପରେ ସେ ଭୋଟର ହେବା ପାଇଁ ଆବେଦନ କରିଥିଲେ । ଏହାପରେ ତାଙ୍କୁ ମେଦନ ମଭଇ ଗାଁରୁ ଭୋଟର କରାଯାଇଛି । ଆମେଠିରୁ ଭୋଟର ହେବା ପରେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ଖୁସିବ୍ୟକ୍ତ କରିଛନ୍ତି ଏବଂ ଏହାକୁ ତାଙ୍କ ଜୀବନର ବଡ ଉପଲବ୍ଧି ବୋଲି କହିଛନ୍ତି । ଏହା ଦ୍ୱାରା ଆମ ସଂପର୍କକୁ ଆମେଠିରେ ଆହୁରି ମଜବୁତି ମିଳିବ ବୋଲି ସେ ଆଶା ବ୍ୟକ୍ତ କରିଛନ୍ତି ।