ନୂଆଦିଲ୍ଲୀ, ପୂର୍ବତନ କେନ୍ଦ୍ରମନ୍ତ୍ରୀ ପଶୁପତି ପାରସଙ୍କ ନେତୃତ୍ୱ ବିଶିଷ୍ଟ ରାଷ୍ଟ୍ରୀୟ ଲୋକ ଜନଶକ୍ତି ପାର୍ଟି ଆଗାମୀ ଲୋକସଭା ନିର୍ବାଚନରେ ବିହାରର ସମସ୍ତ 40ଟି ସିଟରେ ଏନଡିଏ ପ୍ରାର୍ଥୀଙ୍କୁ ସମର୍ଥନ କରିବ । ପଶୁପତି ପାରସ ମଙ୍ଗଳବାର ଦିଲ୍ଲୀରେ ବିଜେପି ଅଧ୍ୟକ୍ଷ ଜେପି ନଡ୍ଡାଙ୍କୁ ସାକ୍ଷାତ କରିଛନ୍ତି ।
ସାକ୍ଷାତ ପରେ ଜେପି ନଡ୍ଡା ନିଜର ସୋସିଆଲ ମିଡିଆ ଏକ୍ସରେ ସୂଚନା ଦେଇ କହିଛନ୍ତି ଯେ, ଏନଡିଏରେ ଆମର ସହଯୋଗୀ ତଥା ରାଲୋଜପାର ପ୍ରମୁଖ ପଶୁପତି ପାରସଙ୍କ ସହିତ ନୂଆଦିଲ୍ଲୀ ବାସଭବନରେ ଭେଟ ହୋଇଛି । ଏନଡିଏ ସଦସ୍ୟ ହୋଇଥିବାରୁ ପଶୁପତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଲଗାତର ଭାବେ ଭଲ କାର୍ଯ୍ୟ କରିଛନ୍ତି । ଆଗାମୀ ନିର୍ବାଚନରେ ଆମର ମେଂଟ ସୁଦୃଢ ହୋଇ ରହିବ ଏବଂ ତାଙ୍କ ପାର୍ଟି ବିହାରରେ ଏନଡିଏର ସମସ୍ତ 40 ପ୍ରାର୍ଥୀଙ୍କୁ ପୂର୍ଣ୍ଣ ସମର୍ଥନ କରିବ ।
