ମୁମ୍ବାଇ, ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟ ଟିମ୍ ମୁମ୍ବାଇ ଏୟାରପୋର୍ଟରୁ 14.90 କୋଟି ଟଙ୍କା ମୂଲ୍ୟର କୋକେନ ସହିତ ବିଦେଶୀ ମହିଳାଙ୍କୁ ଗିରଫ କରାଯାଇଛି । କୋର୍ଟ ଶୁକ୍ରବାର ଦିନ ମହିଳାଙ୍କୁ 14 ଦିନ ଯାଏ ଡିଆରଆଇ ହେପାଜତକୁ ପଠାଇଦେଇଛି ।
ଡିଆରଆଇ ପକ୍ଷରୁ ଶୁକ୍ରବାର କୁହାଯାଇଛି ଯେ, କେନିଆରୁ କୋକେନ ସହିତ ଜଣେ ମହିଳା ମୁମ୍ବାଇ ଆସୁଥିବା ନେଇ ଗୁପ୍ତ ସୂଚନା ମିଳିଥିଲା । ଏହି ଆଧାରରେ ଡିଆରଆଇ ଟିମ୍ ମୁମ୍ବାଇ ଏୟାରପୋର୍ଟରେ ଡିସେମ୍ବର 28 ତାରିଖରେ ନଜର ରଖିଥିଲା । ନରୱେରୁ ଆସିଥିବା ଜଣେ ମହିଳାଙ୍କୁ ସନ୍ଦେହରେ ଡିଆରଆଇ ଅଧିକାରୀ ଧରିବା ସହ ତାଙ୍କର ତଲାସୀ ନେବା ବେଳେ 1,490 ଗ୍ରାମ କୋକେନ ମିଳିଥିଲା । ଜବତ କୋକେନର ମୂଲ୍ୟ 14.90 କୋଟି ଟଙ୍କା ହେବ । ମହିଳା ଜଣକ ଗୋଟିଏକ ହେୟାର କଣ୍ଡିସନର ବୋତଲ ଓ ଏକ ବଡି ୱାଶ ବୋତଲରେ ଏହାକୁ ଲୁଚାଇ ରଖିଥିଲେ ।
