ଜୟପୁର– କୋରାପୁଟ ଜିଲ୍ଲାର ଜୟପୁର ସହରସ୍ଥ ଖଜୁରୀବନ୍ଧ ନିକଟରେ ଥିବା ପୁରାତନ ଶିବ ମନ୍ଦିର ଲୋକନାଥ ମନ୍ଦିର ବା ପାତାଳେଶ୍ୱର ମନ୍ଦିରର ମୁଖଶାଳା ଅତ୍ୟନ୍ତ ସଂକଟାପନ୍ନ ଅବସ୍ଥାରେ ରହିଛି । ମୁଖଶାଳାର ଛାତ ପାଇଁ ବ୍ୟବହୃତ ହୋଇଥିବା କାଠରେ ଉଇ ଲାଗିଥିବା ବେଳେ ଏହା ନଷ୍ଟ ହେବାକୁ ବସିଲାଣି । ସେହିପରି ଟିଣ ଫାଟି ତା ‘ ଉପରେ ଥିବା ଟାଇଲ ସବୁ ତଳକୁ ନଇଁ ପଡିଲାଣି । କୌଣସି ମୁହୂର୍ତ୍ତରେ ତାହା ଭାଙ୍ଗି ପଡ଼ିବାର ଆଶଙ୍କା ଦେଖାଦେଇଛି । ରାତିରେ ଏହା ତଳେ ଆଶ୍ରୟ ନେଉଥିବା ଗରିବ ଲୋକ ଏବଂ ମନ୍ଦିରକୁ ଯାଉଥିବା ଶହ ଶହ ଭକ୍ତଙ୍କ ଜୀବନ ପ୍ରତି ବିପଦ ରହିଛି । ଦେଵାତ୍ତର ବିଭାଗ ଏବଂ ପ୍ରଶାସନ ଅତିଶୀଘ୍ର ଏହି ମନ୍ଦିର ପରିଦର୍ଶନ କରି ମୁଖଶାଳାକୁ ଅତିଶୀଘ୍ର ମରାମତି କରୁ ବୋଲି ଦାବି ହୋଇଛି । ସାମ୍ନାରେ ଜଳାଶୟ ଏବଂ ପାର୍କର ସୌନ୍ଦର୍ଯ୍ୟ ବୃଦ୍ଧି କଲା ଭଳି ଏକ ସୁନ୍ଦର ମୁଖାଶାଳା ନିର୍ମାଣ କରିବାକୁ ଜିଲ୍ଲାପାଳ କୋରାପୁଟ, ବିଧାୟକ ଜୟପୁର, ତହସିଲଦାର,ପୌର ଅଧ୍ୟକ୍ଷଙ୍କୁ ସମାଜସେବୀ ଧିରେନ ମୋହନ ପଟ୍ଟନାୟକ ଅନୁରୋଧ କରିଛନ୍ତି l
