କୋଲକାତା , ଶନିବାର ପୁଣି ପଶ୍ଚିମବଙ୍ଗର ଉତ୍ତର ୨୪ ପ୍ରଗଣା ଜିଲ୍ଲାରେ ଜଣେ ବିଜେପିର ଜଣେ ନେତାଙ୍କୁ ପିଟିପିଟି ହତ୍ୟା କରାଯାଇଛି । । ଘଟଣାସ୍ଥଳରେ ଅନ୍ୟ ୬ ଜଣ ଆହତ ହୋଇଛନ୍ତି । ପୋଲିସ ଗଣମାଧ୍ୟମକୁ ଏହି ସୂଚନା ଦେଇଛି ।
ପୋଲିସ କହିଛି ଯେ, ହାଲିସହର ଅଂଚଳରେ ଯେଉଁବ୍ୟକ୍ତିଙ୍କ ଉପରେ ଆକ୍ରମଣ କରାଗଲା, ତାଙ୍କର ନାମ ସୌକତ ଭବାଲ । ସେ କଲ୍ୟାଣୀସ୍ଥିତ ଜେଏନଏମ ହସ୍ପିଟାଲରେ ଡାକ୍ତରଙ୍କ ଦ୍ୱାରା ମୃତ ଘୋଷଣା ହୋଇଛନ୍ତି । ହାଲିସହର ବିଜ୍ଞାପିତ ଅଂଚଳ ପରିଷଦରେ ହୋଇଥିବା ଏହି ଆକ୍ରମଣରେ ଅନ୍ୟ ୬ ଜଣ ମଧ୍ୟ ଆହତ ହୋଇଛନ୍ତି । ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।