ଧର୍ମଶାଳା – ଯାଜପୁର ଜିଲା ରସୁଲପୁର ବ୍ଲକ ବନ୍ଧଡିହ ପଂଚାୟତ କିଆଁ ବାରିଆସାହି ପ୍ରକଳ୍ପ ପ୍ରାଥମିକ ବିଦ୍ୟାଳୟରେ ଶିକ୍ଷୟିତ୍ରୀ ପ୍ରଗତି ଦାଶଙ୍କ ଉଦ୍ଦେଶ୍ୟରେ ଏକ ଅବସରକାଳୀନ ସମ୍ବର୍ଦ୍ଧନା ସଭା ବନ୍ଧଡିହ ନୋଡାଲ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ରବିନ୍ଦ୍ର କୁମାର ଦାଶଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଏହି ସଭାରେ ମୁଖ୍ୟ ଅତିଥି ଭାବେ ମଣ୍ଡଳଶିକ୍ଷା ଅଧିକାରୀ ଶାନ୍ତନୁ କୁମାର କର, ସମ୍ମାନୀତ ଅତିଥି ଭାବେ ବନ୍ଧଡିହ କ୍ଲଷ୍ଟର ସିଆରସିସି ଦେବରାଜ ମିଶ୍ର, ବାଲୁଙ୍କେଶ୍ୱର କ୍ଲଷ୍ଟର ସିଆରସିସି ଶ୍ରୀବତ୍ସ ସାହୁ, ବନଦୁର୍ଗା କ୍ଲଷ୍ଟର ସିଆରସିସି ଦିବାକର ସାହୁ ଓ ମୁଖ୍ୟବକ୍ତା ଭାବେ ଶିକ୍ଷାବତ୍ ଭାସ୍କର ଚନ୍ଦ୍ର ଦାସ, ତପନ କୁମାର ଧୀର, ବିଷ୍ଣୁଚରଣ ପ୍ରଧାନ ଓ ଦଶରଥ ସାହୁ ପ୍ରମୁଖ ଯୋଗଦେଇ ଶ୍ରୀମତି ଦାଶଙ୍କ କର୍ମମୟ ଜୀବନ ଓ ଶିକ୍ଷା ପଦ୍ଧତିକୁ ଉଚ୍ଚ ପ୍ରଶଂସା କରିଥିଲେ । ଅତିଥିମାନେ ଉପଢୌକନ ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରିଥିଲେ । ଶିକ୍ଷକ ଯତିନ୍ଦ୍ର ମୋହନ ସାହୁ ସ୍ୱାଗତ ଭାଷଣ ପ୍ରଦାନ କରିଥିବାବେଳେ ଶିକ୍ଷକ ସୁଧାଂଶୁ ଶେଖର ସାହୁ ଧନ୍ୟବାଦ ଅର୍ପଣ କରିଥିଲେ । କର୍ଯ୍ୟକ୍ରମ ପରିଚାଳନାରେ ଗ୍ରାମବାସୀ ଓ ପୂର୍ବତନ ଛାତ୍ରଛତ୍ରୀ ସହଯୋଗ କରିଥିଲେ ।
