ବ୍ରହ୍ମପୁର: ଗଞ୍ଜାମ ଜିଲ୍ଲା ଛତ୍ରପୁର ବ୍ଲକ୍ ଚମାଖଣ୍ଡି ଥାନା ଅନ୍ତର୍ଗତ ଟାଟା କଲୋନୀ ନିକଟରେ ମର୍ମନ୍ତୁଦ ସଡକ ଦୁର୍ଘଟଣାରେ ୨ବାଇକ୍ ମୁହାଁମୁହିଁ ହେବା ଫଳରେ ୨ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇ ଏମ୍କେସିଜିରେ ଚିକିତ୍ସିତ ହେଉଥିବା ଜଣାପଡିଛି । ପ୍ରତ୍ୟକ୍ଷଦର୍ଶୀଙ୍କ ଠାରୁ ମିଳିଥିବା ସୂଚନା ପ୍ରକାରେ ସିନ୍ଧିଗାଁ ଟାଟା କଲୋନୀର ଜି.କ୍ରିଷ୍ଣା ରେଡ୍ଡୀ(୨୧) ନିଜ ପୋଲସର ଗାଡି ନମ୍ବର ଓଡି.୦୭.ଏମ୍-୧୩୨୦ରେ ନରେନ୍ଦ୍ରପୁରରୁ ନିଜ ଗ୍ରାମକୁ ଫେରୁଥିବା ବେଳେ ବିପରିତ ଦିଗରୁ ଆସୁଥିବା ଶୀତଳାପଲ୍ଲୀର ଶ୍ରୀକାନ୍ତ ସ୍ୱାଇଁ(୨୧) ଓ ତାଙ୍କ ସାଥି ନାରାୟଣ ସ୍ୱାଇଁ ନିଜ ଆପାଚି ମୋଟର ସାଇକେଲ୍ ନମ୍ବର ଓଡି.୦୭.ୱାଇ-୧୩୭୮ ସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ କ୍ରିଷ୍ଣା ଓ ଶ୍ରୀକାନ୍ତଙ୍କ ମୃତ୍ୟୁ ହୋଇଥିବା ବେଳେ ଗୁରୁତର ନାରାୟଣ ଏମ୍କେସିଜିରେ ଭର୍ତ୍ତିହୋଇ ଚିକିତ୍ସିତ ହେଉଛନ୍ତି । ଘଟଣାଟି ଟାଟା କଲୋନୀ ନିକଟସ୍ଥ କୋଭିଡ୍ ହସ୍ପିଟାଲ ସମ୍ମୁଖରେ ହୋଇଥିବା ଜଣାପଡିଛି । ଖବରପାଇ ଚମାଖଣ୍ଡି ପୋଲିସ ଘଟଣାସ୍ଥଳରେ ପହଞ୍ôଚ ୨ମୃତକଙ୍କ ଶବ ଜବତ କରିବା ସହ ଦୁର୍ଘଟଣାଗ୍ରସ୍ତ ଗାଡି ଜବତ କରିଛି । ଏନେଇ ମାମଲା ରୁଜୁକରି ତଦନ୍ତ ଜାରି ରଖିଛି ।
