● ପ୍ରତିବର୍ଷ ଜଣେ ଯୁବ କଥାଶିଳ୍ପୀଙ୍କୁ ଦିଆଯାଏ କନହେଇଲାଲ ଦାସଙ୍କ ସ୍ମୃତି ପୁରସ୍କାର
ଏହାକୁ ଅନଲାଇନ ଭିସି(ଭିଡିଓ କନଫରେନସିଂ)ରେ ଉପସ୍ଥିତ ଥିବା ସମସ୍ତ କର୍ମକର୍ତ୍ତା ସମ୍ମତି ପ୍ରଦାନ କରିଥିଲେ। ଆସନ୍ତା ବର୍ଷ ୨୦୨୦ ଓ ୨୦୨୧ ବର୍ଷ ପାଇଁ କନହେଇ କଥା ପୁରସ୍କାର ଚୟନ କରାଯାଇ ପୁରସ୍କୃତ ପ୍ରତିଭା ଦ୍ଵୟଙ୍କୁ ଅର୍ଥରାଶି ଓ ମାନପତ୍ର ପ୍ରଦାନ ପୂର୍ବକ ସମ୍ମାନିତ କରାଯିବ ବୋଲି ଏହି ବୈଠକରେ ସର୍ବସମ୍ମତି ପ୍ରକାଶ ପାଇଥିଲା।
ସୂଚନାଯୋଗ୍ୟ ଯେ, ପ୍ରତିବର୍ଷ ୫୦ ବର୍ଷ ବୟସର ଜଣେ ଓଡ଼ିଆ ଯୁବ କଥାଶିଳ୍ପୀଙ୍କୁ ଚୟନ କରାଯାଇ ପୁରସ୍କୃତ କରାଯାଇଥାଏ। ଏହି କ୍ରମରେ ୨୦୧୫ରେ ଚିରଶ୍ରୀ ଇନ୍ଦ୍ରସିଂ, ୨୦୧୬ରେ ଆଦିତେଶ୍ଵର ମିଶ୍ର, ୨୦୧୭ରେ ମୋନାଲିସା ଜେନା, ୨୦୧୮ରେ ହିରଣ୍ମୟୀ ମିଶ୍ର ଏବଂ ୨୦୧୯ରେ ଅମରେଶ ବିଶ୍ଵାଳ ଏ ପୁରସ୍କାର ପାଇବାର ସୌଭାଗ୍ୟ ଅର୍ଜନ କରିଛନ୍ତି।
ଆଜିର ଏହି ଅନଲାଇନ ବୈଠକକୁ ସଂସଦର ଉପସଭାପତି କୃଷ୍ଣ କୁମାର ମହାନ୍ତି ପରିଚାଳନା କରିଥିବା ବେଳେ ଏଥିରେ ସଂପାଦକ ଉତ୍ପଳ ମହାନ୍ତି, ରଞ୍ଜନ ବାଗ୍, ରାଜେଶ ଗିରି, ଅନ୍ୟତମ ଆବାହକ ଗୌତମବୁଦ୍ଧ ଦାସ ଯୋଡି ହୋଇଥିଲେ। ଶେଷରେ ରାଜେଶ ଗିରି ଧନ୍ୟବାଦ ଜଣାଇଥିଲେ।
