-
ଇଦ୍ ଉପଲକ୍ଷେ ଉନ୍ମୋଚିତ ହେଲା ‘ଦିନ୍ ଚଲେ ଯାଏ’
ପବିତ୍ର ଇଦ୍ ପର୍ବ ଅବସରରେ
ଓଡ଼ିଶାର ଜନପ୍ରିୟ ଗାୟିକା ଅନ୍ତରା ଚକ୍ରବର୍ତ୍ତୀଙ୍କର ନୂଆ ଗୀତ ‘ଦିନ୍ ଚୋଲେ ଯାୟେ ବାଂଲାଦେଶରେ ମୁକ୍ତିଲାଭ କରିବାକୁ ଯାଉଛି । ବ୍ଲୁ ଆଇଜ୍ ତରଫରୁ ପ୍ରସ୍ତୁତ ଏଇ ଗୀତଟି ବମ୍ବେର ପଞ୍ଚମ ଷ୍ଟୁଡିଓରେ ରେକର୍ଡିଂ କରାଯାଇଛି । ଏହାକୁ ଲେଖିଛନ୍ତି ବମ୍ବେର ଖ୍ୟାତନାମା ଗୀତିକାର ଗୌତମ ସୁସ୍ମିତ ଓ ଏହାର ସଙ୍ଗୀତ ନିର୍ଦ୍ଦେଶକ ହେଉଛନ୍ତି ରିକି । ଅନ୍ତରା ଚକ୍ରବର୍ତ୍ତୀଙ୍କ ସହିତ ଏ ଗୀତଟି ଗାଇଥିବା ମଲୟ ହେଉଛନ୍ତି ବାଂଲାଦେଶର ଜଣେ ଖ୍ୟାତନାମା ଗାୟକ। ବମ୍ବେର ଦମନ୍ ଠାରେ ଏହାର ସୁଟିଂ କରାଯାଇଛି।
ଏହି ମ୍ୟୁଜିକ ଭିଡିଓଟି ଆଗାମୀ ଇଦ୍ ପର୍ବ ଅବସରରେ ବାଂଲାଦେଶ ସହିତ ସାରା ଭାରତରେ ଲୋକପ୍ରିୟ ହେବ ବୋଲି ସଂସ୍ଥା ପକ୍ଷରୁ କୁହାଯାଇଛି।
ଅନ୍ତରା କଟକ ନିବାସୀ କବି ଓ ଗୀତିକାର ମୋହିତ ଚକ୍ରବର୍ତ୍ତୀଙ୍କ କନ୍ୟା ହୋଇଥିବା ବେଳେ ଓଡ଼ିଆ ଓ ମୁମ୍ବାଇର ସଂଗୀତ ଦୁନିଆରେ ଖୁବ୍ ଜଣାଶୁଣା। ଓଡିଆ ସମେତ ହିନ୍ଦୀ ଓ ବଙ୍ଗଳା ଗୀତ ଗାଇ ସୁନାମ ଅର୍ଜନ କରିଛନ୍ତି ଅନ୍ତରା।++
