ଇଣ୍ଡୋ କଳିଙ୍ଗ ଟାଇମ୍ସ । ଓଡ଼ିଆ ନିଉଜ। ନା ଅଟକିବ, ନା ନଇଁବ । Odia News Portal । Indo Kaling Times।
ଭଞ୍ଜନଗର, ଜୟକୃଷ୍ଣ ପଟ୍ଟନାୟକ– ସାରା ଦେଶରେ ସରକାରଙ୍କ ତରଫରୁ ଲକ ଡାଉନ ଘୋଷଣା କରାଯାଇଛି।ହେଲେ ଭଞ୍ଜନଗର ସହରରେ ବହୁ ଲୋକ ବିନା କାରଣରେ ଏଣେ ତେଣେ ବୁଲୁଥିବାରୁ ପ୍ରଶାସନ ଓ ପୋଲିସ ତରଫରୁ କଡା ଆଭିମୁଖ୍ୟ ଗ୍ରହଣ କରାଯାଇଛି।ଆଜି ସକାଳେ ଭଞ୍ଜନଗର ଉପଜିଲ୍ଲାପାଳ ରାଜେନ୍ଦ୍ର ମିଞ୍ଜ ରାସ୍ତାରେ ପ୍ରାତଃ ଭ୍ରମଣ ରେ ଯାଉଥିବା ଲୋକମାନଙ୍କୁ ତାଗିଦ କରିଥିଲେ। ସେହିପରି ଏଠାରେ ସକାଳ ୭ଟାରୁ ଦିନ ୧୨ପର୍ଯ୍ୟନ୍ତ ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲିବାକୁ ନିର୍ଦ୍ଦେଶ ରହିଥିଲେ ମଧ୍ୟ ୨ଜଣ ବ୍ୟବସାୟୀ ସକାଳ ୬ଟା ସମୟରେ ଦୋକାନ ଖୋଲି ବ୍ୟବସାୟ କରୁଥିବା ଦେଖି ଉପଜିଲ୍ଲାପାଳ ଶ୍ରୀ ମିଞ୍ଜ ଉଭୟଙ୍କ ଠାରୁ ୧୦ହଜାର ଟଙ୍କା ଜରିମାନା ଆଦାୟ କରିଥିଲେ।ବିନା କାରଣରେ ବହୁଲୋକ ରାସ୍ତାରେ ବାଇକ ଧରି ବୁଲୁଥିବାରୁ ଉପଜିଲ୍ଲାପାଳ ଓ ତାଙ୍କ କାର୍ଯ୍ୟାଳୟ ର ଅନ୍ୟାନ୍ୟ କର୍ମଚାରୀ ମାନେ ବାଇପାସ ଛକରେ ୩ଟି ବାଇକ କୁ ଥାନାରେ ଅଟକ ରଖିବା ସହ ସେମାନଙ୍କ ଠାରୁ ମଧ୍ୟ ୪ହଜାର ୫ଶହ ଟଙ୍କା ଜରିମାନା ଆଦାୟ କରିଥିଲେ।ଲକ ଡାଉନ ନିୟମ କୁ କଡାକଡି କରାଯାଇଥିବାରୁ ଥାନା ଛକରେ ଭଞ୍ଜନଗର ତହସିଲଦାର ଆଲୋକ କୁମାର ପ୍ରଧାନ ଓ ତାଙ୍କ ଅଫିସ କର୍ମଚାରୀ ମାନେ ଏବଂ ଅନ୍ୟାନ୍ୟ ସ୍ଥାନରେ ପୋଲିସ ତରଫରୁ ଚେକିଙ୍ଗ କୁ ଜୋରଦାରକରି ଜରିମାନା ଆଦାୟ କରାଯାଇଛି।
