କନ୍ଧମାଳ – କନ୍ଧମାଳ ଜିଲ୍ଲ୍ା ବେଲଘର ଥାନା ଅନ୍ତର୍ଗତ ଲଙ୍କାଗଡ଼ ନିକଟସ୍ଥ ଗ୍ରାମର ଜଣେ ୧୭ ବର୍ଷୀୟ ନାବାଳିକାକୁ ଗର୍ଭବତୀ କରିଥିବା ମାମଲାରେ ଜଣେ ଯୁବକକୁ ଗିରଫ କରି କୋର୍ଟ ଚାଲାଣ କରିଛି ବେଲଘର ଥାନା ପୋଲିସ ।
କିଛି ଦିନ ତଳେ ଜଣେ ୧୭ ବର୍ଷିୟ ନାବାଳିକା ତାଙ୍କ ସମ୍ପର୍କିୟ ଭଉଣୀ ଘରକୁ ଯାଇଥିଲେ । ଲଙ୍କାଗଡ ପଚାଂୟତ ହାତିମୁଣ୍ଡା ଗ୍ରାମର ସନ୍ୟାସୀ ପାତ୍ର ନାମକ ଜଣେ ଯୁବକ ଉକ୍ତ ନାବାଳିକାକୁ ଭେଟି ତୁମ ବାପାଙ୍କ ଦେହ ବହୁତ ଖରାପ ଅଛି କହି ଘରକୁ ଫେରିବା ପାଇଁ କହିଥିଲା । ନିଜ ଘରକୁ ଯିବାପାଇଁ କୌଣସି ଗାଡି ନଥିବାରୁ ବାଧ୍ୟ ହୋଇ ନାବାଳିକା ସେହି ଯୁବକଙ୍କର ବାଇକରେ ବସି ଆସିଥିଲେ । ଘରକୁ ନେବା ବାଟରେ ଯୁବକ ଜଣକ ଜଙ୍ଗଲ ମଝିରେ ଏକ ନିଛାଟିଆ ସ୍ଥାନରେ ନାବାଳିକାକୁ ଦୁଷ୍କର୍ମ କରିଥିଲା । ଫଳରେ ନାବାଳିକା ଜଣକ ଗର୍ଭବତୀ ହୋଇଥିବା ନେଇ ତାଙ୍କ ପରିବାର ଲୋକେ ଅଭିଯୋଗ କରିଥିଲେ । ଅଭିଯୋଗକୁ ଭିତି କରି ବେଲଘର ଥାନା ଅଧିକାରୀ ଶ୍ରୀକାନ୍ତ ଖମାରି ୨୧/୧୯ ଏକ ମାମଲା ରୁଜୁ କରି ଅଭିଯୁକ୍ତ ସନ୍ୟାସି ପାତ୍ରଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି ।
