କେନ୍ଦୁଝର। କେନ୍ଦୁଝର ଜିଲ୍ଲାର ବଡ଼ବିଲ ସ୍ଥିତ ବିଆରପିଏଲ ପ୍ଲାଣ୍ଟ ପରିସରରେ ଦୁର୍ଘଟଣା ଘଟି ଜଣଙ୍କର ମୃତ୍ୟୁ ଘଟିଛି । ମୃତକ ହେଲେ ସୁନୀଲ କୁମାର ଓ ତାଙ୍କ ଘର ଉତ୍ତରପ୍ରଦେଶ ର ସୋନଗାଓଁ ରେ ବୋଲି ଜଣା ପଡିଛି ମିଳିଥିବା ସୂଚନା ଅନୁସାରେ ପ୍ଲାଣ୍ଟ ପରିସର ରେ ମାଲ ଖାଲି କରି ଟ୍ରକ ର କାଚ ପୋଛୁଥିବା ବେଳେ ସମ୍ମୁଖ ରୁ ଆଉ ଏକ ଟ୍ରକ ପଛାଇ ପଛାଇ ଆସି ତାଙ୍କୁ ଚାପିଦେଇଥିଲା । ମୃତକ ସୁନୀଲ କୁମାର ସୁଶାନ୍ତ କୁମାର ସାହୁ ନାମକ ଜଣେ ସ୍ଥାନୀୟ ବ୍ୟକ୍ତି ଙ୍କ ଟ୍ରକ ରେ କ୍ଲିନର ରୂପେ କାର୍ଯ୍ୟ କରୁଥିଲେ । ତେବେ ବିଆରପିଏଲ ପ୍ଲାଣ୍ଟ କର୍ତ୍ତୃପକ୍ଷ ଙ୍କ ଅବହେଳା ରୁ ଗୁରୁତର ସୁନୀଲ କୁମାର ବିଳମ୍ବ ରେ ଜିଲ୍ଲା ଚିକିତ୍ସାଳୟ ରେ ପହଁଞ୍ଚିଥିଲେ ଏବଂ ତାଙ୍କର ମୃତ୍ୟୂ ହୋଇଥିଲା ବୋଲି ସୁନୀଲ ଙ୍କ ଭାଇ ଅଭିଯୋଗ କରିଛନ୍ତି । ପୁନଶ୍ଚ ପ୍ଲାଣ୍ଟ କର୍ତ୍ତୃପକ୍ଷ ଜ଼ିଲ୍ଲା ମୁଖ୍ୟ ଚିକିତ୍ସାଳୟ ରେ ମୃତ ଦେହ କୁ ପହଞ୍ଚାଇ ଦେଇ ଚାଲିଯିବା ଓ ଦାୟିତ୍ୱ ସାରି ଦେବା କଥା ମୃତକ ଙ୍କ ଭାଇ କ୍ଷୋଭ ର ସହ କହିଛନ୍ତି ।
