ଭୁବନେଶ୍ୱର – ଭୁବନେଶ୍ୱରର ଇନଫୋସିଟି ଅଂଚଳରେ ଜଣେ ଛାତ୍ରୀଙ୍କୁ ଗୁଳିମାଡ ହୋଇଛି । ଛାତ୍ରୀଙ୍କ ଜଙ୍ଘରେ ୨ ଟି ଗୁଳି ବାଜିଛି । ତାଙ୍କୁ ଗୁରୁତର ଅବସ୍ଥାରେ ସ୍ଥାନୀୟ କଳିଙ୍ଗ ହସ୍ପିଟାଲରେ ଭର୍ତି କରାଯାଇଛି । ଛାତ୍ରୀ ଜଣକର ନାମ ସୋନାଲୀ ଓ ତାଙ୍କ ଘର ବାଲେଶ୍ୱରରେ ବୋଲି ସୂଚନା ମିଳିଛି । ବାଇକ୍ ରେ ଆସିଥିବା ଦୁଇ ଜଣ ଦୁର୍ବୃତ ଗୁଳିମାଡ କରିବା ପରେ ଫେରାର ହୋଇଯାଇଥିଲେ । ସୋନାଲୀ ସ୍ଥାନୀୟ ଏକ ଇନଷ୍ଟିଚ୍ୟୁଟ୍ ରେ ଫ୍ୟାସନ୍ ଟେକ୍ନୋଲୋଜି କରୁଥିବା ଜଣାପଡିଛି ।
ସୋମବାର ଅପରାହ୍ନରେ ସୋନାଲୀ ଜଣେ ଯୁବକଙ୍କ ସହ ଛିଡା ହୋଇଥିବା ବେଳେ ଦୁଇ ଜଣ ଦୁର୍ବୃତ ଏକ ବାଇକ୍ ରେ ଆସି ୨ ରାଉଣ୍ଡ ଗୁଳି ମାଡ କରି ଫେରାର ହୋଇଯାଇଥିଲେ । ଛାତ୍ରୀଙ୍କୁ ଉଦ୍ଧାର କରାଯାଇ କଳିଙ୍ଗ ହସ୍ପିଟାଲରେ ଭର୍ତି କରାଯାଇଛି । ଖବର ପାଇ ଇନେଫାସିଟି ଥାନା ପୋଲିସ୍ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି । ଗୁଳିକାଣ୍ଡର କାରଣ ଜଣାପଡିନଥିଲେ ହେଁ ପ୍ରେମ ବ୍ୟାପାରକୁ ନେଇ ଏଭଳି ଘଟଣା ଘଟିଥିବା ସନ୍ଦେହ କରାଯାଉଛି ।
