କାଂଗପୋକପି– ମଣିପୁରରେ ପୁଣି ଥରେ ଉତ୍ତେଜନା ବଢିଛି । ଏଠାରେ କାଂଗପୋକପି ଜିଲ୍ଲାରେ ଜାତୀୟ ରାଜପଥ ଅବରୋଧ କରିଥିବା ବିକ୍ଷୋଭକାରୀଙ୍କୁ ହଟାଇବା ପାଇଁ ସୁରକ୍ଷାବଳ ପକ୍ଷରୁ ବଳ ପ୍ରୟୋଗ କରାଯାଇଛି । ସୁରକ୍ଷାବଳ ବିକ୍ଷୋଭକାରୀଙ୍କୁ ଘଉଡାଇବା ପାଇଁ ଲୁହାବୁହା ଗ୍ୟାସ ଓ ଲାଠିଚାର୍ଜ କରିଛି । ଏହି ସମୟରେ କିଛି ବିକ୍ଷୋଭକାରୀ ଆହତ ହୋଇଛନ୍ତି ।
ମୁକ୍ତି ଆନ୍ଦୋଳନକୁ ବିରୋଧ କରି ଜାତୀୟ ରାଜପଥ ଅବରୋଧ କରିଥିଲେ ବିକ୍ଷୋଭକାରୀ, ଫଳରେ ଯାତାୟନ ବାଧାପ୍ରାପ୍ତ ହୋଇଥିଲା । ଏହା ପୂର୍ବରୁ କାଂଗପୋକପି ଜିଲ୍ଲାର ଗମଗିଫାଇ ଅଂଚଳରେ ମଣିପୁର ଷ୍ଟେଟ ଟ୍ରାନ୍ସଫୋର୍ଟର ଏକ ବସ ଉପରକୁ ପଥର ମାଡ କରାଯାଇଥିଲା ।
