କେନ୍ଦୁଝର- କେନ୍ଦୁଝର ଜିଲ୍ଲାର ଘଟଗାଁ ବ୍ଲକ ପଣ୍ଡାପଡା ଥାନା ଅନ୍ତର୍ଗତ ସୁନାଟାଙ୍ଗିରି ଗ୍ରାମ ନିକଟରେ ଏକ ବାଇକକୁ ପିକଅପ ଭ୍ୟାନ ଧକ୍କା ଦେବା କାରଣରୁ ଘଟଣା ସ୍ଥଳରେ ୨ ଜଣଙ୍କର ଶୋଚନୀୟ ମୃତ୍ୟୁ ହୋଇଛି । ମୃତକ ଦୁଇ ଯୁବକ ହେଲେ ପଣ୍ଡାପଡା ଥାନା ଅନ୍ତର୍ଗତ କାଳିମାଟି ଗ୍ରାମର ରୁନା ନାଏକ ଏବଂ ଓସ୍ତପଙ୍ଗା ଗ୍ରାମର ନୃସିଂହ ନାଏକ ବୋଲି ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ବୁଧବାର ଅପରାହ୍ନରେ ରୁନା ଓ ନୃସିଂହ ଦୁହେଁ ପଣ୍ଡାପଡାକୁ କୌଣସି କାମରେ ଆସିଥିଲେ । ଏବଂ ଙଊ୦୯-ୠ୬୭୪୭ ନମ୍ବର ଥିବା ଏକ ହିରୋ ଗ୍ଲାମର ବାଇକରେ ନିଜ ଘରକୁ ଫେରୁଥିଲେ । ଫେରୁଥିବା ସମୟରେ ସୁନାଟାଙ୍ଗିରି ଗ୍ରାମ ନିକଟରେ ଦୃତଗତିରେ ଆସୁଥିବା ଏକ ପିକଅପ ଭ୍ୟାନ ତାଙ୍କ ବାଇକ ଧକ୍କା ଦେଇଥିଲା । ପିକଅପ୍ ଭ୍ୟାନର ଧକ୍କା ଏତେ ଜୋରରେ ଥିଲା ଯେ ଘଟଣା ସ୍ଥଳରେ ହିଁ ବାଇକରେ ବସିଥିବା ୨ ଜଣ ଯାକ ଯୁବକଙ୍କ ମୃତ୍ୟୁ ହୋଇଥିଲା । ଦୁର୍ଘଟଣା ଘଟିବା ପରେ ସ୍ଥାନୀୟ ଅଞ୍ଝଳରେ ଉତେଜନା ପ୍ରକାଶ ପାଇବା ସହ ଲୋକେ ରାସ୍ତା ଅବରୋଧ କରିଥିଲେ । ଫଳରେ ସେଠାରେ ଦିର୍ଘ ସମୟ ଧରି ଘଟଣା ସ୍ଥଳରେ ଚାପା ଉତେଜନା ଲାଗିରହିଥିଲା । ଖବର ପାଇ ପଣ୍ଡାପଡା ପୋଲିସ ପହଚିଁ ଲୋକ ମାନଙ୍କୁ ବୁଝାସୁଝା କରିଥିଲେ ମଧ୍ୟ ରାସ୍ତା ଅବରୋଧ ହଟିନଥିଲା । ଘଟଗାଁ ଅତିରିକ୍ତ ତହସିଲଦାର ବଳଭଦ୍ର ପୂର୍ତୀ ଓ ସଦର ଏସଡିପିଓ ପ୍ରକାଶ ଜେମସ ଟପୋ ଘଟଣା ସ୍ଥଳକୁ ଯାଇ ଉତ୍ୟକ୍ତ ଲୋକଙ୍କ ସହ ଆଲୋଚନା କରି ରେଡକ୍ରସ ପାଣ୍ଠିରୁ ମୃତ ୨ ଯୁବକଙ୍କ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ଆର୍ଥିକ ସହାୟତା ଦେବା ପରେ ରାସ୍ତା ଅବରୋଧ ହଟିଥିଲା । ପୋଲିସ ଦୁର୍ଘଟଣା ଗ୍ରସ୍ତ ୨ ଗାଡିକୁ ଜବତ କରି ଶବକୁ ବ୍ୟବଚ୍ଛେଦ ନିମନ୍ତେ କେନ୍ଦୁଝର ମୁଖ୍ୟ ଚିକିସôାଳୟକୁ ପଠାଇଛି । ଏଥିସହିତ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରିରଖିଛି ।
