ଭୁବନେଶ୍ୱର– ଡିଜିପି/ଆଇଜିପି ସମ୍ମିଳନୀରେ ଯୋଗଦେବା ପାଇଁ ଭୁବନେଶ୍ୱରକୁ ଅତିଥିଙ୍କ ଆଗମନ ଲାଗିଛି । ଭୁବନେଶ୍ଵରରେ ପହଞ୍ଚିଛନ୍ତି ଗୃହ ରାଜ୍ୟ ମନ୍ତ୍ରାଳୟର ମନ୍ତ୍ରୀ ନିତ୍ୟାନନ୍ଦ ରଏ । ସେପଟେ ସିବିଆଇ ନିର୍ଦ୍ଦେଶକ ମଧ୍ୟ ପହଁଚିଛନ୍ତି । ତେଲେଙ୍ଗାନା ଡିଜିପି ସମେତ ହାଇଦ୍ରାବାଦ ସ୍ଥିତ ନ୍ୟାସନାଲ ପୋଲିସ ଏକାଡେ଼ମୀର ନିର୍ଦେଶକ ଆସି ପହଂଚିଛନ୍ତି । କଡ଼ା ସୁରକ୍ଷା ବଳୟରେ ରହିଛି ଭୁବନେଶ୍ଵର ବିମାନବନ୍ଦର । ଏହି ଅବସରରେ ପର୍ଯ୍ୟୟକ୍ରମେ ବିଭିନ୍ନ ରାଜ୍ୟରୁ ଆସୁଛନ୍ତି ଡେଲିଗେଟସ । ଏଥିପାଇଁ ପୋଲିସ କମିଶନର ସମେତ ଏସପିଜି ଟିମ୍ ସିକୁରିଟି ଫୋର୍ସ ସ୍ପେଶିଆଲ ଭ୍ୟାନରେ ଅତିଥିଙ୍କୁ ରିଶଭ କରି ରାଜ୍ୟ ଅତିଥି ଭବନ ପରିସରକୁ ନେଉଛନ୍ତି । ବର୍ତ୍ତମାନ ସକାଳୁ ଏପର୍ଯ୍ୟନ୍ତ ତେଲେଙ୍ଗାନା ଡିଜିପି, ଆସାମ ଡିଜିପି, ପଣ୍ଡିଚେରୀ ଡିଜିପି, ମିଜୋରାମ ଡିଜିପି, ଉତ୍ତରାଖଣ୍ଡ ଡିଜିପିଙ୍କ ପହଁଚିଥିବା ବେଳେ ବର୍ତ୍ତମାନ ମହାରାଷ୍ଟ୍ର ଡିଜିପି, ପଶ୍ଚିମବଙ୍ଗ ଡିଜିପି ଓ ହିମାଚଳ ପ୍ରଦେଶ ଡିଜିପିଙ୍କ ସମେତ ପିଏମଓ ଅଫିସର ବରିଷ୍ଠ ଅଧିକାରୀ ବି ଆସୁଛନ୍ତି।
