ଭୁବନେଶ୍ୱର– ଝାରଖଣ୍ଡ ନିର୍ବାଚନକୁ ନେଇ ପ୍ରତିକ୍ରିୟା ରଖିଛନ୍ତି ବିଜେପି ରାଜ୍ୟ ସଭାପତି ମନମୋହନ ସାମଲ । ସେ କହିଛନ୍ତି ଯେ, ଝାରଖଣ୍ଡରେ ମଧ୍ୟ ଡବଲ ଇଞ୍ଜିନ ସରକାର ହେବ । ସେଠି ଓଡ଼ିଆଙ୍କ ସଂଖ୍ୟା ବହୁତ ରହିଛି। ମୁଁ 89 ମସିହାରୁ ନିର୍ବାଚନ ପ୍ରଚାରକୁ ଯାଉଛି। ଓଡ଼ିଶାରୁ ପ୍ରମୁଖ ନେତା ସେଠାରେ ସବୁ ପ୍ରଚାରକୁ ଯାଉଛନ୍ତି। 14 ଟି ବିଧାନସଭାରେ ଓଡ଼ିଆ ଭାଷାଭାଷୀର ଲୋକ ଅଧିକରୁ ଅଧିକ ରୁହନ୍ତି । ଝରପୋଖରୀଆରୁ ଚକ୍ରଧର ପର୍ଯ୍ୟନ୍ତ ଖରସିଆରୁ ଟାଟା ପର୍ଯ୍ୟନ୍ତ ଲକ୍ଷ ଲକ୍ଷ ଓଡ଼ିଆ ଲୋକ ରହୁଛନ୍ତି । ଗୋପବନ୍ଧୁ ମଧ୍ୟ ତାଙ୍କ ସମୟରେ ଯାଉଥିଲେ। ଏହା ଗୋଟେ ସମୟରେ ଓଡିଶାର ପାର୍ଟ ଥିଲା । ବିହାରରେ ରହିବ ପରେ ମଧ୍ୟ ଆମେ ସବୁ ନିର୍ବାଚନ ପ୍ରଚାରରେ ଯାଉଥିଲୁ। ଆମ ମୁଖ୍ୟମନ୍ତ୍ରୀ ଏବଂ ଅନ୍ୟମାନେ ସମସ୍ତେ ଯେଉଁମାନେ କାମରେ ମାସ ହେଲା ଲାଗିଛନ୍ତି 2 ମାସ ହେଲା ଗଲେଣି ସେମାନେ ନିର୍ବାଚନ ପରିଚାଳନାଦୃଷ୍ଟିରେ ଯାଇଛନ୍ତି । ପ୍ରଚାର ଅନ୍ୟଦୃଷ୍ଟିର ଯଦି କେନ୍ଦ୍ର ନିଷ୍ପତି ନେବ ଆମ ନେତୃମଣ୍ଡଳୀକୁ, ଝାରଖଣ୍ଡ ରାଜ୍ୟ ଯଦି ନିଷ୍ପତି କରିବ ଆମ ନେତୃମଣ୍ଡଳୀ ପ୍ରଚାରକୁ ଖୁବଶୀଘ୍ର ଯିବେ । ବର୍ତ୍ତମାନ ସେଠି ନିର୍ବାଚନ ପରିଚାଳନାର ଦାୟିତ୍ବ ଦିଆଯାଇଛି। ଝାରଖଣ୍ଡରେ ଆମ ସରକାର ହେବ । ବିଜେପି ସେଠି ମଧ୍ୟ ଡବଲ ଇଞ୍ଜିନ ସରକାର କରିବ ବୋଲି ବିଜେପି ରାଜ୍ୟ ସଭାପତି କହିଛନ୍ତି ।
