ଜୟପୁର– ବୋରିଗୁମ୍ମା ସଦର ସ୍ଥିତ ସ୍ଥାନୀୟ ମିନି ଷ୍ଟାଡିୟମ ଠାରୁ ସୁଭଦ୍ରା ସ୍ଵାଗତ ପଦଯାତ୍ରା ବାହାରି, ଘରେ ଘରେ କିପରି ସୁଭଦ୍ରା ଯୋଜନା ପହଞ୍ଚିପାରିବ, କିପରି ହିତାଧିକାରୀ ମାନେ ଲାଭବାନ ହୋଇପାରିବେ ସେନେଇ ଶୋଭାଯାତ୍ରା ମାଧ୍ୟମରେ ସହର ପରିକ୍ରମା କରି ସଚେତନତା କରାଯାଇଥିଲା। ପରିଶେଷରେ ଏହି ଶୋଭାଯାତ୍ରା ବ୍ଲକ ପରିସରରେ ପହଂଚି ଥିଲା। ସୁଭଦ୍ରା ଯୋଜନାକୁ ନେଇ ବ୍ଲକ ପରିସରରେ ଏକ ସଚେତନା ପାଇଁ ସଭା ଅନୁଷ୍ଠିତ ହେଇଥିଲା। ସେହିପରି ବୋରିଗୁମ୍ମା ବ୍ଲକ ର ୩୧ ଗୋଟି ପଂଚାୟତରେ ଏହି ସୁଭଦ୍ରା ସ୍ଵାଗତ ପଦଯାତ୍ରା ଅନୁଷ୍ଠିତ ହୋଇଯାଇଛି l
ବ୍ଲକ ଅଧ୍ୟକ୍ଷା ଦିପ୍ତିମୟୀ ନାୟକ, ଗୋଷ୍ଠି ଉନ୍ନୟନ ଅଧିକାରୀ ସଂଧ୍ୟା ସମରଥ, ସୋନାଲି ନାୟକ, ଏବିଡ଼ିଓ ମାଧୁରୀ ଆଚାରୀ, ସିଡିପିଓ ଗାୟିତ୍ରୀ ବାହିନୀପତି, ଜିପିଓ ସ୍ଵାଗତିକା ଗୋପାଳ, ପିଇଓ ସୁମନ୍ତ ବିଶ୍ଵାଳ, ବୋରିଗୁମ୍ମା ସରପଞ୍ଚ ତୁଷାରକାନ୍ତ କୁମ୍ଭରିକା, ବିଧାୟକ ପ୍ରତିନିଧି ଅଶୋକ ଗନ୍ତାୟତ, ସାଂସଦ ପ୍ରତିନିଧି ରାମଚନ୍ଦ୍ର ନାୟକ, ବିଜେପି ମଣ୍ଡଳ ସଭାପତି ରାଜ ସିଂ, ଅଙ୍ଗନବାଡ଼ି କର୍ମୀ ତଥା ବ୍ଲକ ର ସମସ୍ତ କର୍ମଚାରୀ ଉପସ୍ଥିତ ଥିଲେ।
