ଇସଲାମବାଦ – ଆଜି ସକାଳେ ପାକିସ୍ଥାନର ଖେବର ପଖ୍ତୁନଖୱା ପ୍ରଦେଶର ଅପର ଦୀର ଜିଲ୍ଲାରେ ଭୁସ୍ଗଳନରେ ଗୋଟିଏ ଘର ଭୁଶୁଡି ପଡିଛି।ଏହି ଦୁର୍ଘଟଣାରେ 9 ଜଣ ପିଲାଙ୍କ ସହ ଗୋଟିଏ ପରିବାରର ଅତିକମରେ 12 ଜଣଙ୍କର ମୃତ୍ୟୁ ଘଟିଛି।ଜିଓ ନ୍ୟୁଜ ରିପୋର୍ଟ ଅନୁସାରେ ପୋଲିସ କହିଛି ଯେ 12 ଟି ମୃତ ଦେହ ମାଟି ତଳୁ ଉଦ୍ଧାର କରାଯାଇଛି। ମୃତକ ମଧ୍ୟରୁ ଦୁଇ ଜଣ ମହିଳା ,ଜଣେ ପୁରୁଷ ଏବଂ 9 ଜଣ ଶିଶୁ ଅଛନ୍ତି। ପ୍ରବଳ ବର୍ଷା ହେଉଥିବା ସମୟରେ ଏହି ଦୁର୍ଘଟଣା ଘଟିଛି।ଆସନ୍ତା 24 ଘଣ୍ଟା ମଧ୍ୟରେ ପାକିସ୍ଥାନରେ ଘଡଘଡି ସହ ପ୍ରବଳ ବର୍ଷା ହେବା ନେଇ ପୁର୍ବାନୁମାନ କରିଛି ପାକିସ୍ଥାନର ପାଣିପାଗ ବିଭାଗ ।ଏହି ସମୟ ମଧ୍ୟରେ ସିଦ୍ଧ ,ଦକ୍ଷିଣ ବାଲୁଚିସ୍ଥାନ ,ମଧ୍ୟ ପଞ୍ଜାବ,ପୋଟୋହର ଅଞ୍ଚଳ,ଇସଲାମବାଦ ,ଖୋବର,ପଖ୍ତୁନଖୱା,ଗିଲଗିତ ବାଲ୍ଟିସ୍ଥାନଏବଂ କାଶ୍ମୀରରେ ପ୍ରବଳ ବର୍ଷା ହେବାର ସମ୍ଭାବନା ରହିଛି ବୋଲି କହିଛି ପାଣିପାଗ ବିଭାଗ।
