ଭୋପାଳ– ବନ୍ଦେ ଭାରତ ଏକ୍ସପ୍ରେସ ଟ୍ରେନରେ ଯାତ୍ରୀଙ୍କୁ ପରସା ଯାଇଥିବା ଭୋଜନରୁ ବାହାରିଲା ପୋକ । ଭୋପାଳରୁ ଦିଲ୍ଲୀ ମଧ୍ୟରେ ଚାଲୁଥିବା ବନ୍ଦେ ଭାରତ ଟ୍ରେନରେ ପରସା ଯାଇଥିବା ଉପମାରୁ ପୋକ ବାହାରିଛି । ଏହାକୁ ଦେଖି ଯାତ୍ରୀ ଜଣକ ଭଡି ଉଠିଥିଲେ ଏବଂ ଆଖପାଖ ବସିଥିବା ଅନ୍ୟ ଯାତ୍ରୀମାନେ ବି ହଙ୍ଗାମା କରିବା ଆରମ୍ଭ କରିଥିଲେ । ଏହି ଘଟଣାର ଭିଡିଓ ଏବେ ସାମ୍ନାକୁ ଆସିଛି । ତେବେ ଅଭିଯୋଗ ମିଳିବା ପରେ ଟ୍ରେନରେ ଉପସ୍ଥିତ ଷ୍ଟାଫ ତୁରନ୍ତ ଯାତ୍ରୀଙ୍କୁ ଅନ୍ୟ ଖାଦ୍ୟ ପ୍ରଦାନ କରିଥିଲେ । ଏହି ଖାମଖିଆଲିକୁ ଗୁରୁତର ଭାବେ ନିଆଯାଇ କ୍ୟାଟରିଂ ଠିକାଦାର ଉପରେ 25ହଜାର ଟଙ୍କାର ଜରିମାନା ଲଗାଯାଇଛି ।
