କିସ୍ତୱାଡ– ଜମ୍ମୁ ନିକଟ କିସ୍ତୱାଡ ଜିଲ୍ଲାର ଏକ ସୁଦୂର ଜଙ୍ଗଲରେ ରବିବାର ସକାଳେ ସୁରକ୍ଷାବଳ ଓ ଆତଙ୍କବାଦୀଙ୍କ ମଧ୍ୟରେ କିଛି ସମୟ ପାଇଁ ଗୁଳି ବିନିମୟ ହୋଇଛି । ଏବେ ଏଠାରେ ତଲାସୀ ଅଭିଯାନ ଜାରି ରହିଛି ।
ଅଧିକାରୀଙ୍କ ମୁତାବକ ଆତଙ୍କବାଦୀ ଗତିବିଧି ନେଇ ସୂଚନା ମିଳିବା ପରେ ସେନା ଓ ଅର୍ଦ୍ଧସାମରିକ ବଳ ସହାୟତାରେ ପୋଲିସ ନୌନାଟ୍ଟା, ନାଗେନୀ ପେୟାସ ଓ ଆଖପାଖ ଅଂଚଳରେ ତଲାସୀ ଅଭିଯାନ ଆରମ୍ଭ କରିଛି । ତଲାସୀ ଅଭିଯାନ ସମୟରେ ଲୁଚି ରହିଥିବା ଆତଙ୍କବାଦୀମାନେ ସୁରକ୍ଷାବଳକୁ ଦେଖି ଗୁଳି ଚଳାଇଥିଲେ, ଯାହାପରେ କିଛି ସମୟ ଯାଏ ଗୁଳି ବିନିମୟ ହୋଇଥିଲା ।
