ଭୋପାଳ, ଲୋକସଭା ନିର୍ବାଚନରେ ମଧ୍ୟପ୍ରଦେଶର 29ଟି ସିଟ ପାଇଁ ରାଜ୍ୟର 52 ଜିଲ୍ଲା ହେଡକ୍ୱାର୍ଟରରେ କଡା ସୁରକ୍ଷା ମଧ୍ୟରେ ମଙ୍ଗଳବାର ସକାଳ 8ଟାରୁ ଭୋଟଗଣତି ଜାରି ରହିଛି । ପୂର୍ବାହ୍ନ 11ଟା ସୁଦ୍ଧା ଭୋପାଳ, ଇନ୍ଦୋର, ଗୁନା, ଟିକମଗଡ, ମନ୍ଦସୌର ଓ ଖଜୁରାହୋ ସମେତ ବିଜେପି ସମସ୍ତ 29ସିଟରେ ଆଗରେ ରହିଛି ।
ଇନ୍ଦୋରରେ ବିଜେପି 2ଲକ୍ଷ ଭୋଟରେ ଆଗୁଆ ରହିଛି । ଗୁନାରୁ କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଓ ବିଦିଶାରୁ ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ୱାନ ବି ଏକ ଲକ୍ଷ ଭୋଟରେ ଆଗରେ ଆଗୁଆ ରହିଛନ୍ତି । ସେହିପରି ରାଜଗଢରୁ କଂଗ୍ରେସ ପ୍ରାର୍ଥୀ ଦିଗବିଜୟ ସିଂହ ଓ ଛିନ୍ଦୱାଡାରୁ ନକୁଳନାଥ ପଛୁଆ ଅଛନ୍ତି ।
