ଜୟପୁର, ଜୟପୁର ବକ୍ସିସାହି ସ୍ଥିତ ତ୍ରିନାଥ ସେବା ପରିଷଦରେ ଅନ୍ନପୂର୍ଣ୍ଣା ପାଠାଗାରର ଲୋକାର୍ପଣ ଉତ୍ସବ ଆୟୋଜିତ ହୋଇଯାଇଛି। ଡଃ. ପରେଶ କୁମାର ରଥଙ୍କ ସଭାପତିତ୍ଵରେ ଆୟୋଜିତ କାର୍ଯ୍ୟକ୍ରମରେ ଉପଖଣ୍ଡ ଆରକ୍ଷୀ ଅଧିକ୍ଷକ ଅଙ୍କିତ୍ କୁମାର ବର୍ମା ମୁଖ୍ୟ ଅତିଥି ରୂପେ ଯୋଗଦେଇ ପାଠାଗାରକୁ ଲୋକାର୍ପଣ କରିଥିଲେ। ସମ୍ପାଦକ ଲକ୍ଷ୍ମୀକାନ୍ତ ମିଶ୍ର କାର୍ଯ୍ୟକ୍ରମର ପରିଚାଳନା କରିବା ସହ ପରିଷଦ ତରଫରୁ କରାଯାଇଥିବା ବିଭିନ୍ନ ସାମାଜିକ ଓ ସେବା କାର୍ଯ୍ୟ ଯଥା-ଵୃକ୍ଷରୋପଣ, ସଫେଇ କାର୍ଯ୍ୟ, ଗରିବ ପରିବା ବିକାଳୀ ଓ ମାଛ ବିକାଳି ମାନଙ୍କୁ ବର୍ଷାତି, ଛତା ଓ କମ୍ବଳ ବଣ୍ଟନ, ସାମାଜିକ ସଚେତନତାର ବିବରଣୀ ପ୍ରଦାନ କରିଥିଲେ। ଅନ୍ନପୂର୍ଣ୍ଣା ଚାରିଟେବଲ୍ ଟ୍ରଷ୍ଟ୍ ର ଟ୍ରଷ୍ଟି ଇଞ୍ଜିନିୟର ଅମ୍ରିତ୍ ରଥ ନିଜ ଜେଜେମା ଓ ଜେଜେଵାପା ସ୍ଵର୍ଗତ ଅନ୍ନପୂର୍ଣ୍ଣା ଦେବୀ, ସ୍ଵର୍ଗତ କୃଷ୍ଣଚନ୍ଦ୍ର ରଥଙ୍କ ଭୂୟସୀ ପ୍ରଶଂସା କରିଥିଲେ ।
ହନୁମାନ ଚାଳିଶା ସହ ଆରମ୍ଭ ହୋଇଥିବା କାର୍ଯ୍ୟକ୍ରମରେ ଦେବାଶିସ ମହାପାତ୍ର, ସୁରଜ୍ ମହାପାତ୍ର, ହରି ପାଢୀ, ପିଣ୍ଟୁ ରଥ, ସନ୍ତୁ ସାହୁ, ସୁଵାସ ମହାପାତ୍ର, ସନ୍ତୋଷ ଦାସ, ସତ୍ୟ ନିରାୟଣ ମିଶ୍ର, କେ. ଚିରଞ୍ଜିବୀ, ଗୁଡୁ ରାଉତ ପ୍ରମୁଖ କାର୍ଯ୍ୟକ୍ରମକୁ ସଫଳ କରିଥିଲେ।
