ଭୁବନେଶ୍ୱର, ଆପିଏସ୍ ସ୍ତରରେ ଅଦଳ ବଦଳ କରିଛନ୍ତି ରାଜ୍ୟ ସରକାର । ଆଶିଷ ସିଂହଙ୍କ ସ୍ଥାନରେ ଭିଜିଲାନସ ଆଇଜି ସଂଜୟ କୌଶଲଙ୍କୁ କେନ୍ଦ୍ରାଂଚଳ ଆଇଜି ଭାବେ ବଦଳି କରାଯାଇଛି । ଆଶିଷ ସିଂହଙ୍କୁ ରାଜ୍ୟ ପୋଲିସ ମୁଖ୍ୟାଳୟକୁ ବଦଳି କରାଯାଇଛି । ସେହିପରି ସୁଧାଂଶୁ ଶେଖର ମିଶ୍ରଙ୍କ ସ୍ଥାନରେ ଉମାଶଙ୍କର ଦାସଙ୍କୁ ଅନୁଗୁଳ ଏସ୍ପି ଭାବେ ବଳଦି କରାଯାଇଛି ।
ଭିଜିଲାନ୍ସ ଡିଆଇଜି ପ୍ରକାଶ ଆର୍ ଙ୍କୁ କଟକର ନୂଆ ଡିସିପି ଦାୟିତ୍ୱ ଦିଆଯାଇଛି । କନୱର ଭିଶାଲ ସିଂଙ୍କର ପୋଲିସ୍ ମୁଖ୍ୟାଳୟକୁ ବଦଳି ପରେ ତାଙ୍କ ସ୍ଥାନରେ ପ୍ରକାଶଙ୍କୁ ନିଯୁକ୍ତି ଦିଆଯାଇଛି । ସେହିପରି ମିତ୍ରଭାନୁ ମହାପାତ୍ରଙ୍କ ସ୍ଥାନରେ ବ୍ରିଜେଶ କୁମାର ରାୟ ରାଉରକେଲା ଏସ୍ପି ହୋଇଛନ୍ତି ।
