ସାନଖେମୁଣ୍ଡି: କଙ୍କୋରଡା ପଞ୍ଚାୟତ କରାଖଣ୍ଡି ଗ୍ରାମରେ ଗଣେଷ ପୂଜା ପରେ ଗ୍ରାମ ଯୁବକଳା ପରିଷଦ ପକ୍ଷରୁ ଗୁରୁବାର ସାମାଜିକ ନାଟକ ‘କହିଦିଏ ଥରେ ଆଇ ଲଭ ୟୁ’ ମଞ୍ଚସ୍ଥ ହୋଇଛି। ମଞ୍ଚ ନିର୍ଦ୍ଦେଶକ ଜୟରାମ ମୁନୀ ଏହାକୁ ନିର୍ଦ୍ଦେଶନା ଦେଇଥିଲେ। ମୁଖ୍ୟ ଅତିଥି ଭାବେ ସାନଖେମୁଣ୍ଡି ବିଧାୟକ ରମେଶ ଚନ୍ଦ୍ର ଜେନା ଏହାକୁ ଉଦଘାଟନ କରିଥିଲେ। ପୂର୍ବତନ ବ୍ଲକ ଅଧ୍ୟକ୍ଷ ଲଷ୍ମୀନାରାୟଣ ପାତ୍ର, କଙ୍କୋରଡା ସମିତି ସଭ୍ୟ ପ୍ରତାପ ପ୍ରଧାନ ପ୍ରମୁଖ ସମ୍ମନିନୀୟ ଅତିଥି ଭାବେ ଯୋଗ ଦେଇଥିଲେ। ମୁଖ୍ୟବକ୍ତା ଭାବେ ବରିଷ୍ଠ ଶିକ୍ଷକ ଲଷ୍ମୀନାରାୟଣ ପଟ୍ଟନାୟକ ସହ ବହୁ ଅତିଥି ଉପସ୍ଥିତ ଥିଲେ। କଳାକାରଙ୍କ ଅଭିନୟ ଉଚ୍ଚକୋଟୀର ହୋଇଥିଲେ। ଅନୁଷ୍ଠାନର ସଭାପତି ଦେବରାଜ ନାୟକ, ସମ୍ପାଦକ ରବୀନ୍ଦ୍ର ମହାରଣା ଓ ମ୍ୟାନେଜର କାଳୁଚରଣ ନାୟକ କାର୍ଯ୍ୟକ୍ରମ ସଞ୍ଚାଳନ କରିଥିଲେ।
