ମାଲକାନଗିରି– କର୍ମା ମୁଦୁଲି ଯୁକ୍ତ ତିନି ବାଣିଜ୍ୟ ସମ୍ମାନ ଛାତ୍ରୀ ସୁଦୂର ବଣ୍ଡା ଅଞ୍ଚଳରୁ ରମା ଦେବୀ ମହିଳା ବିଶ୍ଵ ବିଦ୍ୟାଳୟରେ ଅଧ୍ୟୟନରତ ଛାତ୍ରୀଙ୍କୁ ୪୩ ତମ ରାଜ୍ୟ ବାଣିଜ୍ୟ ସଂଘ ତରଫରୁ ସ୍ଥାନୀୟ ରମା ଦେବୀ ପ୍ରେକ୍ଷାଳୟ ଠାରେ ମୁଖ୍ୟ ଅତିଥି ଲିପ୍ସା ହଂସ, ପ୍ରତିଷ୍ଠାତା ତଥା ନାରୀ ଉଦ୍ୟୋଗୀ ଚାନ୍ଦି ଭଣ୍ଡାରଙ୍କ ଦ୍ଵାରା ପୁସ୍ତକ ଏବଂ ଆର୍ଥିକ ସହାୟତା ଦେଇ ସମ୍ମାନିତ କରାଯାଇଛି। ଏହି ସମ୍ବର୍ଦ୍ଧନା ଉତ୍ସବକୁ ମାଲକାନଗିରି ମହାବିଦ୍ୟାଳୟ ବାଣିଜ୍ୟ ବିଭାଗ ମୁଖ୍ୟ ତଥା ଓଡିଶା କମର୍ସ ସଂଘର ନିର୍ବାହୀ ସଭ୍ୟ ଡକ୍ଟର ରଞ୍ଜନ କୁମାର ସ୍ବାଇଁଙ୍କ ସହାୟତାରେ ଏହି ଆୟୋଜନ କରିଥିଲେ।
ଏହି କାର୍ଯ୍ୟକ୍ରମରେ ଅନ୍ୟତମ ଅତିଥି ରୂପେ ପ୍ରଫେସର ମଳୟ କୁମାର ମହାନ୍ତି, ସାଧାରଣ ସମ୍ପାଦକ ଡକ୍ଟର ସୁଧାଂଶୁ ଶେଖର ଦାସ, କାର୍ଯ୍ୟକାରୀ ସଭାପତି ମେଜର ଡକ୍ଟର ଏସ.ଏ. ତାହିର, ଡକ୍ଟର ମନ୍ମଥ ନାୟକ, ପ୍ରଫେସର କିଶୋର ଚନ୍ଦ୍ର ରାଉତ, ଯୁଗ୍ମ ସମ୍ପାଦକ ଡକ୍ଟର ବିଶ୍ଵ ମୋହନ ଜେନା ଛାତ୍ରୀ କର୍ମା ମୁଦୁଲିଙ୍କୁ ଶୁଭେଚ୍ଛା ଜଣାଇବା ସହିତ ଆସନ୍ତା ଦିନରେ ସେ କିପରି ଭଲ ପାଠ ପଢି କର୍ମ ନିଯୁକ୍ତି ପାଇ ପାରିବ ସେ ବିଷୟରେ ଛାତ୍ରୀ କର୍ମାଙ୍କୁ ଆଶୀର୍ବାଦ ସହିତ ପରାମର୍ଶ ଦେଇଛନ୍ତି। ବିଭାଗୀୟ ମୁଖ୍ୟ ଡକ୍ଟର ସାବତ କୁମାର ଡିଗଲ ମଧ୍ୟ ସାହାଯ୍ୟ କରିବା ପାଇଁ ପ୍ରତିଶ୍ରୁତି ଦେଇଛନ୍ତି।
