ଭୁବନେଶ୍ୱର ଭୁବନେଶ୍ୱରରେ ପୁଣି ଆରମ୍ଭ ହେବ ରାହାଗିରି । ଭୁବନେଶ୍ୱର ମହାନଗର ନିଗମ(ବିଏମ୍ସି) ବୈଠକ ପରେ ଏନେଇ ସୂଚନା ଦେଇଛନ୍ତି ଭୁବନେଶ୍ୱର ମେୟର ସୁଲୋଚନା ଦାସ । ସେ କହିଛନ୍ତି ଡିସେମ୍ବର ଶେଷ ରବିବାର ଭୁବନେଶ୍ୱରରେ ରାହାଗିରି ଆରମ୍ଭ ହେବ । ଏବର୍ଷ ୩ଟି ଜୋନରେ ୩ଟି ରାହାଗିରି ହେବ । ଡିସେମ୍ବର ଶେଷ ରବିବାର ଓ ଜାନୁଆରୀ ମାସର ପ୍ରଥମ ଦୁଇଟି ରବିବାର ଅନୁଷ୍ଠିତ ହେବ ରାହାଗିରି । ସେଥିପାଇଁ ଆଜି ପ୍ରତି ଜୋନରୁ ଦୁଇଜଣ ଲେଖାଏଁ କର୍ପୋରେଟର, ଜେଡିସି ଓ ଆଡିସନାଲ କମିଶନରଙ୍କୁ ନେଇ କମିଟି ଗଠନ ହୋଇଛି । ରାହାଗିରିରେ କ’ଣ କ’ଣ କରାଯିବ, ତାହା କମିଟି ନିର୍ଦ୍ଧାରଣ କରିବ ।
