ସିଲିଗୁଡି, ଏନଜେପି ଥାନା ପୋଲିସ ବୁଧବାର ରାତିରା ନୌକାଘାଟ ଅଞ୍ଚଳରେ ଚାଲିଥିବା ଜୁଆ ଆଡ୍ଡା ଉପରେ ଚଢାଉ କରି 6ଜଣ ଜୁଆଡିଙ୍କୁ ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ ମହେନ୍ଦ୍ର, ଶଙ୍କର, ଉତ୍ତମ, ଗୋପାଳ, ଶ୍ରୀଜିତ ଓ ଦିପେଶ । ଏହି ଆଡ୍ଡାରୁ ପୋଲିସ ବିପୁଳ ଟଙ୍କା ମଧ୍ୟ ଜବତ କରିଛି । ସୂଚନା ମୁତାବକ ନୌକାଘାଟ ଅଞ୍ଚଳରେ ଦୀର୍ଘଦିନରୁ ଏହି ଜୁଆ ଆଡ୍ଡା ଚାଲିଥିଲା । ଦୂର ଦୂରାନ୍ତାରୁ ଏଠାକୁ ଜୁଆଡିମାନେ ଆସୁଥିଲେ । ରାତିସାରେ ଏଠାରେ ଲକ୍ଷଲକ୍ଷ ଟଙ୍କାର ଜୁଆ ଖେଳର ଆସର ଜମିଥାଏ । ତେବେ ଏନେଇ ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇବା ପରେ ଅଭିଯାନ ଚଳାଇଥିଲା । ଏହି ସମୟରେ 6ଜଣ ଜୁଆଡିଙ୍କୁ ଗିରଫ କରାଯାଇଛି । କିଛି ଜୁଆଡି ଦୌଡି ପଳାଇବାରେ ସକ୍ଷମ ହୋଇଥିଲେ । ଜୁଆ ଆଡ୍ଡାରୁ ପୋଲିସ ଟଙ୍କା ଓ ତାସ୍ ଜବତ କରିଛି ।
