ଭୁବନେଶ୍ୱର – ପ୍ରଫେସର ବ୍ୟୋମକେଶ ତ୍ରିପାଠୀଙ୍କୁ ଉକ୍ରଳ ସଂସ୍କୃତି ବିଶ୍ୱ ବିଦ୍ୟାଳୟର କୁଳପତି ଭାବେ ନିଯୁକ୍ତି ଦିଆଯାଇଛି । ସେ ଏହି ପଦବୀରେ ୩ ବର୍ଷ ପର୍ଯ୍ୟନ୍ତ ରହିବେ । ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ଏହି ନିଯୁକ୍ତି ଦେଇଛନ୍ତି ।
ବର୍ତମାନ ପ୍ରଫେସର ତ୍ରିପାଠୀ ମଧ୍ୟପ୍ରଦେଶ ଅମରକଂଟକ ସ୍ଥିତ ଇନ୍ଦିରାଗାନ୍ଧୀ ରାଷ୍ଟ୍ରୀୟ ଜନଜାତି ବିଶ୍ୱବିଦ୍ୟାଳୟର ଇତିହାସ ବିଭାଗରେ କାର୍ଯ୍ୟରତ ଅଛନ୍ତି । ୧୫ ଜୁନ୍ ୧୯୬୪ ମସିହାରେ ଜନ୍ମ ଗ୍ରହଣ କରିଥିବା ପ୍ରଫସର ତ୍ରିପାଠୀ ସମ୍ବଲପୁର ବିଶ୍ୱବିଦ୍ୟାଳୟରୁ ୧୯୮୬ ମସିହାରେ ସ୍ନାତକୋତର ଓ ୧୯୯୪ ରେ ପିଏଚଡି ଡିଗ୍ରୀ ହାସଲ କରିଥିଲେ । ଦୀର୍ଘ ୨୭ ବର୍ଷରେ ଶିକ୍ଷକତା ମଧ୍ୟରେ ସେ ୫ ଟି ପୁସ୍ତକ ରଚନା କରିଥିବା ବେଳେ ୧୩ ଟଇ ପୁସ୍ତକର ସମ୍ପାଦନା କରିଛନ୍ତି । ୩୩ ଟି ଜାତୀୟ ଓ ଆନ୍ତର୍ଜାତୀୟ ସମ୍ମିଳନୀରେ ଯୋଗ ଦେଇଛନ୍ତି । ମୋଟ ୭୭ ଟି ସଂକଳନ ପ୍ରକାଶ ପାଇଛି । ୬ଟି ଗବେଷଣା ସନ୍ଦର୍ଭ ପ୍ରକାଶ ପାଇଥିବା ବେଳେ .ତାଙ୍କ ଅଧୀନରେ ୧୧ ଜଣ ପିଏଚଡି କରି ସାରିଛନ୍ତି ।
