ଜୟପୁର, ସଦର ଥାନା ଅନ୍ତର୍ଗତ ଉମୁରି ନିକଟରେ ଅଜଣା ବସ ଧକ୍କାରେ ଜଣେ ମୃତ୍ୟୁ ବରଣ କରିଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି । ମୃତକ ଜଣକ ହେଉଛନ୍ତି ବୈପାରିଗୁଡା ଥାନା ବରଗାଁ ଗ୍ରାମର ଶ୍ରୀରାମ ହରିଜନ ଓ ଆହତ ହେଲେ ପ୍ରଧାନିପୁଟ ଗ୍ରାମର ଡମୁ ହରିଜନ ।
ସୂଚନା ଅନୁଯାୟୀ ବୈପାରିଗୁଡା ଥାନା ବରଗାଁ ଗ୍ରାମର ଶ୍ରୀରାମ ହରିଜନ , ପ୍ରଧାନିପୁଟ ଗ୍ରାମର ଡମୁ ହରିଜନ ୯ଟି ମହିଷି ଧରି ଯାଉଥିଲେ । ଜୟପୁର ସଦର ଥାନା ଅନ୍ତର୍ଗତ ଉମୁରି ନିକଟରେ ଏକ ଅଜଣା ବସ ଧକ୍କା ଦେଇଥିଲା । ଫଳରେ ଶ୍ରୀରାମ ହରିଜନ ମୃତ୍ୟୁ ବରଣ କରିଥିବା ବେଳେ ଡମୁ ହରିଜନ ଗୁରୁତର ହୋଇଛନ୍ତି । ଡମୁକୁ ଜୟପୁର ସ୍ଥିତ ଜିଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ଦୁର୍ଘଟଣାକୁ ନେଇ ଘଟଣାସ୍ଥଳରେ ଉତେଜନା ଦେଖାଦେଇଥିଲା । ଗ୍ରାମବାସୀ ଶବକୁ ସଦର ଥାନା ନିକଟରେ ରଖି ତୁରନ୍ତ ବସ କୁ ଜବତ କରିବା ସହ ଡ୍ରାଇଭରକୁ ଗିରଫ କରବା ଓ କ୍ଷତି ପୁରଣ ଦାବି କରି ଧାରଣା ଦେଇଥିଲେ । ପରେ ଜୟପୁର ସଦର ଥାନା ଅଧିକାରୀ ଇଶ୍ୱର ତାଣ୍ଡି ମୃତ ଓ ଆହତ ପରିବାର ଗ୍ରାମବାସୀଙ୍କ ସହ ଆଲୋଚନା କରିଥିଲେ । ତୁରନ୍ତ ଅଜଣା ବସ କୁ ଧରିବା ପାଇ ପ୍ରତିଶୃତି ଦେବା ସହ ସରକରା ଙ୍କ ତରଫରୁ ଅଜଣା ଗାଡି ଧକ୍କାରେ ମୃତ୍ୟୁ ବରଣ କଲେ ୨ ଲକ୍ଷ ଟଙ୍କା କ୍ଷତି ପୁରଣ ମିଳିବାର ନିୟମ ରହିଛି ବୋଲି ବୁଝାସୁଝା କରିବାରୁ ଶବକୁ ଧରି ଗ୍ରାମକୁ ଫେରି ଥିବା ଜଣାଯାଇଛି । ଏନେଇ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
