ବାରିପଦା, ଶିମିଳିପାଳ ଅଭୟାରଣ୍ୟର ଦୁଧିଆଣି ରେଞ୍ଜ୍ ଅଧିନସ୍ଥ ବୁଢ଼ୀଗାଁ ଜଙ୍ଗଲରୁ ଏକ ଲିଓପାର୍ଡ଼ କ୍ୟାଟ୍ ର ମୃତଦେହକୁ ଜବତ କରିଛି ବନ ବିଭାଗ । ଏହା କଲରାପତରିଆ ବାଘ ଭଳି ଦିଶୁଥିବା ଏକ ବିରଳ ପ୍ରଜାତିର ଜଙ୍ଗଲି ବିଲେଇ । ତେବେ କିପରି ଓ କେଉଁ ପରିସ୍ଥିତି ଏହି ତାର ମୃତ୍ୟୁ ଘଟିଛି, ତାହା ଅଦ୍ୟାବଧି ଅସ୍ପଷ୍ଟ ରହିଛି । ବନ ବିଭାଗ ପକ୍ଷରୁ ଏନେଇ ଅଧିକ ତଦନ୍ତ ଜାରୀ ରହିଛି ।
ପ୍ରକାଶ ଥାଉକି, ଶିମିଳିପାଳ ଅଭୟାରଣ୍ୟ ଉତର ଖଣ୍ଡ ଅଧିନ ତାଳବନ୍ଧ ରେଞ୍ଜ୍ ରୁ ଗତକାଲି ଏକ ଗୁଳିବିଦ୍ଧ ଦନ୍ତାହାତୀର ଗଳିତ ମୃତଦେହ ଉଦ୍ଧାର ହୋଇଥିଲା । ମୃତ ହାତୀର ଦାନ୍ତ ଗାୟବ୍ ଥିବା ଦେଖିବାକୁ ମିଳିଥିଲା । ଘଟଣାର ୨୪ ଘଂଟା ନପୁରୁଣୁ ପୁଣି ଏକ ଲିଓପାର୍ଡ଼ କ୍ୟାଟ୍ ର ମୃତଦେହ ଉଦ୍ଧାର ହେବା ପରେ ଶିମିଳିପାଳ ଅଭୟାରଣ୍ୟ ମଧ୍ୟରେ ବନ୍ୟଯନ୍ତୁ କେତେ ସୁରକ୍ଷିତ ତାକୁ ନେଇ ସାଧାରଣରେ ଉଠିଛି ପ୍ରଶ୍ନ ।
