ପାରାଦ୍ୱୀପ – ପାରାଦ୍ୱୀପରେ ମୋବାଇଲ୍ ବିସ୍ଫୋରଣରେ ଜଣେ ରାଜମିସ୍ତ୍ରୀଙ୍କ ମୃତ୍ୟୁ ଘଟିଛି । ନୟାଗଡ ରଣପୁର ଅଂଚଳର ଜନୈକ ଯୁବକ ସ୍ଥାନୀୟ ଜଗନ୍ନାଥ ଟ୍ରକ୍ ମାଲିକ ସଂଘ, ଅଠରବାଙ୍କି ଠlରେ ନିର୍ମାଣାଧିନ ମନ୍ଦିର କାର୍ଯ୍ୟରେ ନିୟୋଜିତ ଥିଲେ । ଗତକାଲି ବିଳମ୍ୱିତ ରାତିରେ ଶୋଇବା ସମୟରେ ଉକ୍ତ ଯୁବକ ଜଣକ ନିଜର ମୋବାଇଲ ଟିକୁ ଚାର୍ଜରରେ ଲଗାଇ ମୋବାଇଲରେ କଥାବାର୍ତ୍ତା କରୁ କରୁ ନିଦ ହୋଇଯାଇଥିଲା । ସେ ମୋବାଇଲଟିକୁ ଛାତି ଉପରେ ରଖି ଶୋଇଯାଇଥିଲେ । ତେବେ ମୋବାଇଲଟି ଅତ୍ୟଧିକ ଚାର୍ଜ ହୋଇଯାଇ ଫାଟି ଯାଇଥିଲା । ଏହି ମୋବାଇଲ୍ ବିସ୍ଫୋରଣରେ ଉକ୍ତ ଯୁବକ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଯାଇଥିଲା l ପାଖରେ ଶୋଇଥିବା ଅନ୍ୟ ତିନିଜଣ ରାଜମିସ୍ତ୍ରୀ ମୋବାଇଲ ଫାଟିବା ଶବ୍ଦ ଶୁଣି ଉଠି ପଡ଼ିଥିଲେ ଓ ସଂଘର କର୍ମଚାରୀ ମାନଙ୍କୁ ଡାକିଥିଲେ । ସେମାନେ ତୁରନ୍ତ ସଂଘର କର୍ମକର୍ତ୍ତାମାନଙ୍କୁ ଜଣାଇଥିଲେ ଓ ମୃତକଙ୍କ ଘରକୁ ଖବର ଦେଇଥିଲେ । ସ୍ଥାନୀୟ ପୋଲିସକୁ ଜଣାଇବା ପରେ ପୋଲିସ ତଦନ୍ତ କରିବା ସହ ତାଙ୍କ ବାପା ଓ ଅନ୍ୟ ମାନଙ୍କ ମାଧ୍ୟମରେ ଶବ ବ୍ୟବଚ୍ଛଦ ପାଇଁ କୁଜଙ୍ଗ ପଠାଇଛି ।
