ଭୁବନ – ଭୁବନ ବ୍ଲକ ଅନ୍ତର୍ଗତ ବାଲିବୋ ସରକାରୀ ଉଚ୍ଚ ବିଦ୍ୟାଳୟର ବିଜ୍ଞାନ ବିଭାଗ ପିଅନ ବିରଂଚି ନାରାୟଣ ସ୍ୱାଇଁଙ୍କୁ ଅବସର କାଳୀନ ବିଦାୟ ସମ୍ବର୍ଦ୍ଧନା ଦିଆଯାଇଛି । ପ୍ରଧାନଶିକ୍ଷକ ତରଣୀସେନ ମହାରଣାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଶିକ୍ଷକ, କର୍ମଚାରୀ ମାନେ ଶ୍ରୀଯୁକ୍ତ ସ୍ୱାଇଁଙ୍କ ସମୟାନୁବର୍ତିତାର ଉଚ୍ଚ ପ୍ରଶଂସା କରି ତାଙ୍କର ପରୋପକାର ତଥା ମାନବୀୟ ଗୁଣାବଳୀ ସଂପର୍କରେ ଆଲୋଚନା କରିବା ସହିତ ଦୀର୍ଘ ନିରାମୟ ଜୀବନ କାମନା କରିଥିଲେ । ଶେଷରେ ଶିକ୍ଷକ, କର୍ମଚାରୀ ଓ ଛାତ୍ରଛାତ୍ରୀ ମାନେ ଶ୍ରୀଯୁକ୍ତ ସ୍ୱାଇଁ ଙ୍କୁ ପୁଷ୍ପଗୁଚ୍ଛ, ଉପଢୌକନ ଓ ଉପହାର ଦେଇ ଗ୍ରାମ ପରିକ୍ରମା କରାଇ ତାଙ୍କ ବାସଭବନରେ ବିଦାୟ ଦେଇ ପ୍ରତ୍ୟାବର୍ତନ କରିଥିଲେ ।
