କଟକ – ସୋନି ଟିଭିରେ ପ୍ରସାରିତ ହେଉଥିବା ଇଣ୍ଡିଆନ ଆଇଡଲର ଟପ 15ରେ କଟକର ଝିଅ ଚେଲସୀ ସ୍ଥାନ ପାଇଛନ୍ତି । ଏହି ସୂଚନା ପରେ କଟକବାସୀଙ୍କ ମଧ୍ୟରେ ଖୁସୀର ଲହରୀ ଖେଳି ଯାଇଛି ।
କଟକର ଶିଖରପୁର ସ୍ଥିତ ନଦୀକୂଳ ସାହୀରେ ଚେଲସୀଙ୍କ ଘର । 14 ବର୍ଷୀୟା ଚେଲସୀ ନିଜର କଠୋର ପରିଶ୍ରମ ଓ ଅଧ୍ୟବସାୟ ବଳରେ ଏହି ସ୍ଥିତିରେ ପହଂଚି ପାରିଛନ୍ତି ।
ଏହି ଉପଲବ୍ଧି ହାସଲ କରିବା ପରେ ଚେଲସୀ କହିଛନ୍ତି ଯେ ତାଙ୍କ ମା ରେଖା ବେହୁରା ତାଙ୍କୁ ସବୁବେଳେ ଏ ଦିଗରେ ପ୍ରୋତ୍ସାହନ ଦେଇ ଆସିଛନ୍ତି । ଆଜି ଯେଉଁ ସ୍ଥିତିରେ ସେ ପହଂଚିଛନ୍ତି ତାର ଶ୍ରେୟ ସେ ତାଙ୍କର ମାଙ୍କୁ ଦେବେ ।
ଅନ୍ୟ ପଟେ ରାଜ୍ୟର ତଥା ରାଜ୍ୟ ବାହାରର ଅନେକ ମାନ୍ୟଗଣ୍ୟ ବ୍ୟକ୍ତି ମାନେ ଚେଲସୀଙ୍କର ଭୂୟସୀ ପ୍ରଶଂସା କରିଛନ୍ତି । କ୍ରିକେଟର ମହାନାୟକ ସଚିନ ତେନ୍ଦୁଲକର ମଧ୍ୟ ଟ୍ବିଟରରେ ଚେଲସୀଙ୍କ ପ୍ରଶଂସା କରିଛନ୍ତି ।
