ଭବାନୀପାଟଣା, କଳାହାଣ୍ଡି ଜୟପାଟଣା ବ୍ଲକ ମୁଖିଗୁଡା ସ୍ଥିତ ମହିପାଣି ଉନ୍ନୀତ ପ୍ରାଥମିକ ବିଦ୍ୟାଳୟ ପରିସରରେ ଆଜି ପ୍ରାଥମିକ ଶିକ୍ଷକ ସଂଘର ସଭାପତି ସୁରେନ୍ଦ୍ର ମୋହନ ଯୋଶୀଙ୍କ ନେତୃତ୍ୱରେ ବିଦାୟ ସମ୍ବର୍ଦ୍ଧନା ଉତ୍ସବ ପାଳିତ ହୋଇଥିଲା । ଉକ୍ତ ସଭାରେ ଗଣ୍ଡଗୁଡା ପ୍ରାଥମିକ ବିଦ୍ୟାଳୟର ବିଦାୟୀ ଶିକ୍ଷୟତ୍ରୀ ଶ୍ରୀମତୀ ଶାନ୍ତିଲତା ଦେବି ମହିପାଣି ଉନ୍ନୀତି ପ୍ରାଥମିକ ବିଦ୍ୟାଳୟ ପ୍ରଧାନଶିକ୍ଷକ ଅନିଲ କୁମାର ପଣ୍ଡାଙ୍କୁ ମାନପତ୍ର ଉପଢୌକନ ଓ ଉପହାର ପ୍ରଦାନ ପୂର୍ବକ ସମ୍ବର୍ଦ୍ଧିତ କରିଥିଲେ । ଆଞ୍ଚଳିକ ସାଧାରଣ କେନ୍ଦ୍ର ମୁଖିଗୁଡା ତଥା ପ୍ରାଥମିକ ଶିକ୍ଷକ ସଂଘ ଜୟପାଟଣାଙ୍କ ଦ୍ଵାରା ଆୟୋଜିତ ଏହି ବିଦାୟ ସମ୍ବର୍ଦ୍ଧନା ସଭାରେ ଅନ୍ୟମାନଙ୍କ ମଧ୍ୟରେ ତାଳଗୁଡ ପ୍ରଧାନଶିକ୍ଷକ ପ୍ରଫୁଲ୍ଲ କୁମାର ବେହେରା, ଶିକ୍ଷକ ସନ୍ତୋଷ ମହାଲିକ୍, ପ୍ରଧାନ ଶିକ୍ଷକ ସଞ୍ଜୟ କୁମାର ପଣ୍ଡା, ଶିକ୍ଷକ ହରି ମାଝୀ, ଶିକ୍ଷୟତ୍ରୀ ସବିତା ଓଝା, ଶିକ୍ଷକ ଦୂର୍ଯ୍ୟୋଧନ ବଣୁଆ, ଶିକ୍ଷୟତ୍ରୀ ମେଘମାଳା ଛତୋଇ, ସରିତା ପଟ୍ଟନାୟକ, ରଶ୍ମିତା ବେହେରା, ମନସ୍ବିନି ଯୋଶୀ, ସରଜ କୁମାର ମିଶ୍ର, ନୃସିଂହ ମିଶ୍ର, ସମ୍ପାଦକ ଳଲିତ କୁମାର ନାଏକ ଏବଂ ସମସ୍ତ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ ।
ଏହି ବିଦାୟ ସମ୍ବର୍ଦ୍ଧନା ସଭା ମଞ୍ଚ ପରିଚାଳନା କରିଥିଲେ ଶିକ୍ଷକ ପ୍ରମୋଦ କୁମାର ଠାକୁର, ଶିକ୍ଷକ ମୁରଲୀ ସାହୁ ଏବଂ ପ୍ରଫୁଲ୍ଲ କୁମାର ବେହେରା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
