ସଡ଼କ ଦୁର୍ଘଟଣାରେ ଜଣେ ମୃତ

ସୂଚନା ମତେ ବୋଡେ଼ନ ଥାନା ଦରଗାଁ ଗ୍ରାମର ପ୍ରସନ୍ନ ଦଳ (45) ଏକ ମୋଟର ସାଇକେଲ ରେ ରାସାୟନିକ ସାର କିଣିବା ପାଇଁ ସାନମହେଶ୍ୱର କୁ ଆସୁଥିଲେ । ହେଲେ ସାନମହେଶ୍ୱର ନିକଟରେ ଭାରସାମ୍ୟ ହରାଇ ପଡି ଯିବା ଫଳରେ ଘଟଣା ସ୍ଥଳ ରେ ମୃତ୍ୟୁ ବରଣ କରିଥିଲେ । ମୃତ ପ୍ରସନ୍ନ ଦଳ ଙ୍କ ତିନିଟି ପୁଅ ପପୁ (15), ଖଗପତି ( 12 ), ଶ୍ରୀପତି ( 12 ) ଓ ସ୍ତ୍ରୀ ମାଧୁରୀ ( 43) ବର୍ଷ ଅଛନ୍ତି । ଖଡ଼ିଆଳ ପୋଲିସ ଖବର ପାଇ ସବ ଇନିସପେକ୍ଟର ନବଘନ ଗଉଡ଼ , ଏଏସଆଇ ସୁରଥ ପୁଝାରୀ ,ଚଂଚଳା ତାଣ୍ଡି ଘଟଣା ସ୍ଥଳରେ ପହଂଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇ ତଦନ୍ତ ଜାରି ରହିଥିବା ପ୍ରକାଶ କରାଯାଇଛି ।