ନୂଆପଡା: ନୂଆପଡ଼ା ଜିଲ୍ଲା ଖଡ଼ିଆଳ ବ୍ଳକର ତୁକଲା ଗ୍ରାମର ହାଇସ୍କୁଲ ପଡା ରାସ୍ତା ମରାମତି ପାଇଁ ଲୋକେ ଦାବି କରିଛନ୍ତି। ଏହି ପଡ଼ାରେ ଅନେକ ପରିବାର ରହୁଥିବା ବେଳେ ଏହି ରାସ୍ତା ଦେଇ ତୁକଲା ଷ୍ଟେଟ ବ୍ୟାଙ୍କଙ୍କୁ ମଧ୍ୟ କିଛି ଲୋକ ଯିବା ଆସିବା କରିଥାନ୍ତି। କିନ୍ତୁ ଏହି ରାସ୍ତା ଏବେ ଖରାପ ହୋଇଯାଇଛି। ମୁଖ୍ୟ ରାସ୍ତାକୁ ଲାଗି ଏହି ରାସ୍ତାରେ ଖାଲ ହୋଇ ପାଣି ଜମା ରହିଛି। ଅସରାଏ ବର୍ଷାରେ ଏହି ରାସ୍ତାରେ ଆଣ୍ଠୁଏ ପାଣି ଜମା ହୋଇଯାଏ କିନ୍ତୁ ମରାମତି କରାଯାଏ ନାହିଁ ବୋଲି ଲୋକେ ଅଭିଯୋଗ କରୁଛନ୍ତି। ପୂର୍ବରୁ ରାସ୍ତାଟି କଂକ୍ରିଟ କାରାଯାଇଥିବା ବେଳେ କିଛି ଅଂଶ ଭାଙ୍ଗିଯାଇ ଏପରି ଅବସ୍ଥା ସୃଷ୍ଟି ହୋଇଛି। ପ୍ରଶାସନ ଶୀଘ୍ର ରାସ୍ତା ମରାମତି କରିବାକୁ ଲୋକେ ଦାବି କରିଛନ୍ତି।
